यती कपका लागि चन्दा संकलन शुरु

लन्डन । यती नेपाली एसोसिएसन यूकेले जुलाई २३ शनिबार यती कप फुटबल प्रतियोगिता गर्ने भएको छ । फेल्थाम कम्युनिटी कलेज मैदानमा खेल हुन लागेको हो । खेल्न इच्छुक टिमले २२ जुलाई सम्म २०० पाउण्ड तिरेपछि प्रतियोगितामा भाग लिन सक्नेछन् ।
प्रतियोगितामा पहिलो हुने टिमलाई १२५० पाउण्ड नगद सहित मेन ट्रफी र रनर अप (दोश्रो) हुने टिमलाई ट्रफीसहित ६ सय पाउण्ड नगद प्रदान गरिने एसोसिएसनले जनाएको छ । धेरै गोल गर्ने खेलाडी (टप स्कोरर) लाई गोल्डेन बुट दिइने छ ।

एसोसिएसनले प्रतियोगिताका लागि अर्थ संकलन अभियान शुरु गरेको छ । कोषाध्यक्ष जीवन सेनले हालसम्म करिब १५ सय पाउण्ड संकलन भएको फेहरिस्त प्रस्तुत गर्दै थप आर्थिक रकम आवश्यक हुने भएकाले सहयोगका लागि सबैमा अपिल गरेका छन् ।

केही साताअघिमात्र एसोसिएसनले संस्थाको इतिहासमै पहिलो पटक महिला अध्यक्ष पिपला देवानको अध्यक्षतामा नयां कार्यसमिति चयन गरेको छ । एसोसिएसनले भावी दिनमा यस्ता सामाजिक गतिविधि अरु तीव्र बनाउने भएको छ ।