लन्डन । चर्चित गायक शिव परियार र गायिका शर्मिला बर्देवाले यही मे २७ सांझ लन्डन हाउन्सलोमा सांगीतिक कार्यक्रम गर्ने भएका छन् । रेडियो राहिनो र अन्सु इन्टरटेनमेन्टले संयुक्त रुपमा हाउन्सलोको फेल्थम कम्युनिटी कलेजमा शिव र शर्मिलासंग एक सांझ कार्यक्रम गर्न लागेको हो ।
कार्यक्रममा आफ्ना चर्चित गजलहरुका साथ आधुनिक गीत पनि गाउने सोचमा छन् शिव । उनको लन्डनमा यस वर्षकै यो अन्तिम शो हुनेछ । कार्यक्रममा उनले ‘पागल बनायौ प्रिय’, ‘पिउंदिन भन्दा भन्दै पिलायो साथीले’, ‘क्या दामी भो’, ‘अलिकति नजर तिम्रो’ लगायत उत्कृष्ट गीतहरु गाउने छन् ।
नेपाली नयां वर्ष मनाउने क्रममा बेलायत आएका शिवले यसअघि विभिन्न शहरमा आफ्नो प्रस्तुति दिइसकेका छन् । केही साता अघि मात्र पोल्याण्डमा भएको कन्सर्ट सकेर बेलायत आइपुगेका शिबले लन्डनका श्रोताहरुलाई आफ्नो यस वर्षको अन्तिम कार्यक्रममा आउन आग्रह गरेका छन् ।
यसै गरि सपरिवार लण्डनमा बसोबास गर्दै आएकी गायिका शर्मिला बर्देवाले पनि आफ्नो चर्चित गीतहरु आंखैमा झल्झली, फुलको जवाफ, तस्बिरमै यस्तो जस्ता सुमधुर गीतका साथै नयां गीत पनि प्रस्तुत गर्ने बताइन् ।
कार्यक्रमको उद्घोषण भने मिस यूके नेपाल २०१३ कि विजेता दुर्गा गुरुङले गर्ने भएकी छिन् । नेपाली मौलिक परम्परागत नृत्य र डिजे चांदको विशेष प्रस्तुति कार्यक्रमको थप आकर्षण हुने आयोजकले जनाए ।
कार्यक्रमबाट उठेको रकम मध्येबाट केही रकम लमजुङ्गका बालबालिकाहरुका लागि सहयोग गरिने आयोजकका तर्फबाट दिनेश कुमार परियारले जानकारी दिए ।
बेलायतमा कमलबहादुर गुरुङ फेरि काउन्सिलरमा निर्वाचित
बेलायत निवासी शान्ति लिम्बुको ‘थेम्सको लहरमा तमोरको स्पर्श’ कवितासंग्रह विमोचन
बेलायतमा स्थानीय निर्वाचन : सत्तारुढ दल लेबरलाई झड्का, नेपालीमुलका उम्मेदवार को को भए निर्वाचित ?
बेलायतमा नेपाली दम्पती नै काउन्सिलर निर्वाचित
पूर्वमन्त्री सुदन किराती हर्क साम्पाङ नेतृत्वको श्रम संस्कृति पार्टीमा प्रवेश
स्याङ्जा समाज यूकेको संरक्षकमा मेजर कुमार गुरुङ र प्रमुख सल्लाहकारमा विजयबहादुर गुरुङ मनोनीत
डायमण्ड बु्द्धिष्ट सेन्टर यूकेद्वारा तमु लामा बौद्ध धर्म समाजलाई १६ लाख १३ हजार हस्तान्तरण
बेल्जियममा श्रम संस्कृति पार्टीको प्रवास तदर्थ समिति गठन
तेह्रथुम समाज यूकेको वार्षिक भेला २०२६ सम्पन्न
पत्रकारितामा एआई प्रयोगलाई रचनात्मक र मर्यादित बनाउनेबारे नेपाल पत्रकार महासंघ युकेको प्रशिक्षण
