लन्डन । भूपू ब्रिटिश गोर्खाकी सुपुत्री जिनिता पन्धक बेलायतको क्वालिफाइड सोलिसिटर भएकी छिन् । २८ अप्रिल २०१६ मा क्वालिफाइड भएकी उनी सम्भवतः बेलायतमा दोश्रो नेपाली महिला सोलिसिटर हुन् । यसअघि सुदिना गुरुङ पहिलो नेपाली महिला सोलिसिटर भएपनि उनी हाल हङकङमा कार्यरत छिन् ।

अकुपेशनल डिजिज सोलिसिटर जिनिताको कार्यक्षेत्र कन्सट्रक्शन, इन्जिनियरिङ वर्कर्स र कम्पनीहरु सम्वन्धित छ । उनको सोलिसिटर्स रेगुलेसन अथोरिटी (एसआरए) नम्बर ५८४३३८ हो ।

बाबु मेजर रिटायर्ड भुवानी पन्धक र आमा बिमला पन्धककी सुपुत्री जिनिता ताप्लेजुङबाट बेलायत आएकी हुन् । सन् २००० यता उनी बेलायतमै छिन् । बीपीपी ल स्कुल, लन्डनबाट लिगल प्राक्टिस कोर्स गरेकी उनी सन् २०१२ देखि वीक्सटेड एण्ड कम्पनी सोलिसिटरमा कार्यरत छन् ।