सोमबार, कार्तिक १० २०७७ | Mon, October 26, 2020
नेपालको समय: १८:४७ | UK Time: 13:02

बुद्ध जयन्तीका अवसरमा बेलायतमा शान्ति पदयात्रासहित प्रवचन

वीनेपाली
२०७३ जेठ ९ गते १०:२७
उलवीचको शान्ति पदयात्रा

उलवीचको शान्ति पदयात्रा

लन्डन । २५६० औं बुद्ध जयन्तीका अवसरमा बेलायतका विभिन्न शहरमा प्रवचनसहित कार्यक्रम भएका छन् । बुद्धिष्ट कम्युनिटी सेन्टर अल्डरसट, उलवीच, लन्डन पार्लियामेन्ट स्क्वायर लगायत शहरमा कार्यक्रम भएका हुन् ।

कपिलबस्तु समाज यूकेको मुख्य आयोजनामा करिब ५ दर्जन संघसंस्थाको सहभागितामा लन्डन पार्लियामेन्ट स्क्वायरमा बुद्ध जयन्ती तथा दीप प्रज्वलन भएको भोलिपल्ट दक्षिणपूर्व क्षेत्रीय लन्डनमा पनि २५६० औं बुद्ध जयन्ती धुमधामसंग मनाइएको छ ।

२१ मे शनिवार दक्षिणपूर्व क्षेत्रीय तमुधिं लन्डनको आयोजनामा शान्ति पदयात्रासहित बुद्धजयन्ती मनाइयो । उक्त कार्यक्रमको मुख्य उद्देश्य भगवान बुद्ध नेपालमा जन्मिएका थिए भन्ने सन्देश दिन र उनले प्रतिपादन गरेका दर्शनलाई विश्व सामु उजागर गरी नेपालको गौरव बढाउने प्रयासले गरिएको आयोजकले जनाएका छन् । कार्यक्रममा मुख्य अतिथि थिए रोयल ग्रीनवीच बरोका मेयर काउन्सिलर नर्मन अडाम्स् । नेपालमा गतवर्ष महाभूकम्पका कारण दिवंगत भएका व्यक्तिहरुको आत्मशान्तिका लागि प्रार्थना र द्वीप प्रज्वलन गरी कार्यक्रम प्रारम्भ भएको थियो । प्रथम चरणमा द्वीप प्रज्वलन गरे पश्चात शान्ति पदयात्रा र्याली गरियो ।

13271852_10154176099121197_1696886205_o

शान्ति पदयात्रा हुनुपूर्व कार्यक्रम संयोजक एवं समाजका सल्लाहकार सुमल कुमार गुरुङले पदयात्राका दौरान राख्नुपर्ने शान्ति सुरक्षाबारे सम्बोधन गरेका थिए । समाजका अध्यक्ष श्रीचन्द्र गुरुङको अध्यक्षतामा सम्पन्न प्रथम चरणको कार्यक्रम महासचिव सुमन गुरुङ र दोश्रो चरणको कार्यक्रम समाजका सल्लाहकार योगेश गुरुङले सञ्चालन गरेका थिए । पदयात्रापछि शाकाहारी भोजनको व्यवस्था समाजका उपाध्यक्ष कमला गुरुङको नृतृत्वमा आमा समूहले गरेको थियो ।

कार्यक्रममा बेलायतस्थित विभिन्न संघसंस्थाहरुको सहभागिता थियो । दोश्रो चरणमा विश्व शान्ति पूजा र प्रवचन गरियो । कार्यक्रमको अन्तमा संयोजक गुरुङले सहभागी तथा धर्मगुरुहरुलाई धन्यवाद दिएका थिए । समाजका अध्यक्ष, श्रीचन्द्र गुरुङ, वरिष्ठ सल्लाहकार मोहन गुरुङ तथा पूर्व अध्यक्ष तथा सल्लाहकार हरि गोविन्द गुरुङको हातबाट गुरुहरुलाई दक्षिणा प्रदान गरे पश्चात कार्यक्रम समापन गरिएको संस्थाले जानकारी दिएको छ ।

बुद्धिष्ट कम्युनिटी सेन्टरको अल्डरसटस्थित कार्यक्रम । तस्विरः मिलन तमु

बुद्धिष्ट कम्युनिटी सेन्टरको अल्डरसटस्थित कार्यक्रम । तस्विरः मिलन तमु

प्रतिक्रिया

सम्बन्धित सामाग्री

फेसबुक