लण्डन । ताप्लेजुङ जिल्लाको हाङपाङ गाविसबासीहरुको युकेस्थित समाज हाङपाङ समाजको बार्षिक भेटघाट सम्पन्न भएको छ ।
मिचेटस्थित तमुधिँ भवनमा भएको भेटघाटको अध्यक्षता समाजका अध्यक्ष विश्वराज फेयङ साँवाले गरेका थिए भने संचालन समाजका महासचिव टेक खपाङ्गीमगरले गरेका थिए ।
समाजका उपाध्यक्ष कवितबहादुर याक्सोले स्वागत मन्तब्य दिएका थिए । कार्यक्रममा समाजको कार्यसमितिमा चयन भएका उपाध्यक्ष कवितबहादुर याक्सो र सदस्यहरु बबिता याक्सो र लक्ष्मीराज थापालाई पदग्रहण गराइएको थियो ।
यसैगरी समाजका ज्येष्ठ सदस्य श्रीमती शान्तिमाया लिम्बु, नेपाल पत्रकार महासंघ युकेको अध्यक्षमा निर्वाचित समाजका सदस्य नरेश खपाङ्गीमगरलाई सम्मान गरिएको थियो भने समाजका नयाँ सदस्यहरु धर्मराज थापामगर र केशर फेयङ, जिसिएससीमा उच्च अंक ल्याउने सबनम याक्सो र भर्खरै युके आएकी विष्णु आङबुहाङलाई स्वागत गरिएको थियो ।
कार्यक्रममा अध्यक्ष फेयङ, वरिष्ठ उपाध्यक्ष यमबहादुर अाङबुहाङ र पत्रकार महासंघ युकेका अध्यक्ष नरेश खपाङ्गीमगर लगायतले सम्बाेधन गरेका थिए ।
कार्यक्रममा राफल ड्र, म्युजिकल चेयर लगायतको मनोरंजनात्मक कार्यक्रम राखिएको थियो ।
