शनिबार, कार्तिक १५ २०७७ | Sat, October 31, 2020
नेपालको समय: ०३:५८ | UK Time: 22:13

नेपाल हाउसका लागि पत्रकार महासंघ र एनआरएनए यूकेबीच समझदारी

वीनेपाली
२०७३ जेठ ३ गते ०:०२
NRN FNJ mou

एनआरएनए यूके अध्यक्ष मुछेत्र गुरुङ (दायां) र महासंघ यूकेका अध्यक्ष नरेश खपाङगीमगर

लन्डन । एनआरएनए यूकेले अघि सारेको महत्वाकांक्षी प्रोजेक्ट नेपाल हाउस अभियानमा सघाउन नेपाल पत्रकार महासंघ बेलायत र एनआरएनए यूकेबीच समझदारी पत्रमा हस्ताक्षर भएको छ ।
सो सम्बन्धी सम्झौता पत्रमा आइतबार एनआरएनए यूके अध्यक्ष मुछेत्र गुरुङ र महासंघ यूकेका अध्यक्ष नरेश खपाङगीमगरले हस्ताक्षर गरेका छन् ।
समझदारी पत्रमा नेपाल घर निर्माणसम्बन्धी अभियानका बारेमा नेपाल पत्रकार महासंघ बेलायतले प्रचारप्रसार र जनमानसमा सकारात्मक माहौल बनाउन मिडिया साझेदारको काम गर्ने, नेपाल घर निर्माणका गतिविधिलाई जनमानसमा छिटोभन्दा छिटो र पारदर्शी रुपमा जानकारी गराउन नेपाल पत्रकार महासंघले भूमिका निर्वाह गर्ने छ । यस्तै, नेपाल घरमा यूकेका नेपालीहरुका बारेमा सम्पूर्ण जानकारीहरु समेटिएको एक सूचना केन्द्र स्थापना गरिने छ र सोको व्यवस्थापन र संचालनको जिम्मा नेपाल पत्रकार महासंघलाई दिइने छ ।
सो अवसरमा एनआरएनए यूकेका तर्फबाट महासंघ युकेका पदाधिकारी तथा सदस्यहरुलाई खादा ओढाइ सम्मान गरेका थिए । कार्यक्रममा बोल्दै गुरुङले नेपाल हाउस एनआरएनए यूकेको महत्वाकांक्षी परियोजना भएकाले सहयोग गर्न अनुरोध गरे ।
महासंघका अध्यक्ष खपांगीमगरले नेपाल हाउस यूकेमा बस्ने सबै नेपालीहरुको शान र इज्जतको परियोजना भएकाले महासंघले सबै किसिमले सहयोग गर्ने बताए ।
एनआरएनए यूकेका उपमहासचिव अर्जुन कटवालले संचालन गरेको कार्यक्रममा प्रवक्ता खुशी लिम्बुले स्वागत गरेका थिए भने महासंघका उपाध्यक्ष ध्रुवराज अर्याल, सचिव शिव भण्डारी र सल्लाहकार नवीन पोखरेलले आफ्ना विचार राखेका थिए । एनआरएनए यूकेका सचिव कृष्ण तिवारीले समझदारी पत्र पढेर सुनाएका थिए भने उपाध्यक्ष राष्ट्र राईले धन्यवाद ज्ञापन गरेका थिए ।

प्रतिक्रिया

सम्बन्धित सामाग्री

फेसबुक