शुक्रबार, कार्तिक १४ २०७७ | Fri, October 30, 2020
नेपालको समय: १०:४९ | UK Time: 05:04

गुल्मीका आगलागी पीडितलाई क्षेत्री समाज बेलायतको सहयोग

वीनेपाली
२०७३ वैशाख ३० गते १०:२७

13224194_10209721615939057_70588538_o

लन्डन । क्षेत्री समाज बेलायतले गुल्मी बडागाउं गा.बि.स १ र २ दजाकोटमा भएको भिषण आगलागीमा परि बिचल्ली भएका परिवारजनलाई आर्थिक सहयोग गरेको छ । क्षेत्री समाज बेलायतको पहल तथा सो समाजका आपतकालीन राहत कोषका संयोजक प्रतिमा के.सी.को संयोजनमा छोटो समयमा समाजका सदस्यहरुबाट संकलित रकम ६१२ पाउण्ड गुल्मी जिल्ला समाज यूके मार्फत हस्तान्तरण गरिएको हो ।

संयोजक केसीले एक समारोहबीच गुल्मी जिल्ला समाजका अध्यक्ष राम गलामीलाई रकम हस्तान्तरण गरिन् । रकम हस्तान्तरण कार्यक्रममा क्षेत्री समाजका सचिव कुमार के.सी., कार्यसमितिका सदस्य इन्द्र क्षेत्री, क्षेत्री समाज रेडिंगका सल्लाहकार अर्जुन बस्नेत तथा गुल्मी जिल्ला समाज यूकेका कार्यसमिति सदस्य राम सापकोटाको उपस्थिति थियो ।

संयोजक के.सी. ले सो अवसरमा क्षेत्री समाज बेलायतका अध्यक्ष क्या. रि. धन बहादुर कुंवर तथा महासचिव रञ्जन कुमार क्षेत्रीको सहानुभूति सन्देश समेत स्मरण गराएकी थिइन् ।

कार्यक्रममा अध्यक्ष्य राम गलामीले क्षेत्री समाजले गुल्मी जिल्ला समाजको पहलमा सहयोग सकलन भइरहेको अभियानमा सहानुभूति तथा सहयोग गरेकामा समाजलाई विशेष धन्यबाद दिए ।

शनिबार स्थानीय वेदपानी सामुदायिक वनबाट सुरु भएको आगो तिलार सामुदायिक वन हुंदै अनियन्त्रित भएर गाउंमा सल्किंदा एक जनाले ज्यान गुमाए भने ९२ वटा घरहरु जलेर नस्ट भएका छन् । आगलागीले करोडौंको अन्नपात, धनमाल तथा चौपायाहरू जलेर खरानी भएका छन् ।

प्रतिक्रिया

सम्बन्धित सामाग्री

फेसबुक