पत्रकार अधिकारी श्रीमति मन अधिकारीका साथ
काठमाडौं । वरिष्ठ पत्रकार ध्रुवहरि अधिकारी पहिलो राष्ट्रिय पत्रकारिता पुरस्कारबाट पुरस्कृत भएका छन् । पहिलो राष्ट्रिय पत्रकारिता दिवस तथा गोरखापत्रको १ सय १६ औं वार्षिक उत्सवका अवसरमा उनलाई ५५ हजार ५ सय ५५ रुपैयां राशीको पुरस्कार दिइएको हो ।
राष्ट्रपति विद्या भण्डारीले अधिकारीलाई प्रमाणपत्र र पुरस्कार प्रदान गरेकी थिइन् ।
२०७२ फागुन १७ गते बसेको मन्त्रिपरिषद बैठकले गोरखापत्रको प्रकाशन सुरु भएको दिन पारेर बैशाख २४ गते राष्ट्रिय पत्रकारिता दिवस मनाउने निर्णय गरेको थियो । गोरखापत्र वि.सं. १९५८ साल वैशाख २४ गते साप्ताहिक रुपमा प्रकाशन सुरु भएको थियो।
गोरखापत्रले वार्षिक उत्सवका अवसरमा नेपाली भाषा, साहित्य र पत्रकारितामा उल्लेखनीय योगदान दिने साहित्यकार कमलमणि दीक्षित र सञ्चारविज्ञ लालदेउसा राईलाई पनि सम्मान गरेको छ ।
दीक्षित सात दशकदेखि नेपाली भाषा, साहित्य र पत्रकारिता क्षेत्रमा योगदान दिएका र राईले ५ दशकदेखि नेपाली पत्रकारिता शिक्षाको विकासमा योगदान दिएको गोरखापत्रले जनाएको छ । उनीहरुलाई राष्ट्रपति विद्या भण्डारीले सम्मानपत्र प्रदान गरिन् ।
