
काउन्सिलर बने भूपू गोर्खा
लन्डन । भूपू गोर्खा मेजर (रि) चित्र राना काउन्सिलरमा निर्वाचित भएका छन् । गत ५ मेमा सम्पन्न स्थानीय निर्वाचनमा उनी सत्तारुढ कन्जरभेटिभ पार्टीका तर्फबाट वकिङ बरोको गोल्डस्वर्थ पार्क काउन्सिलरमा विजयी भएका हुन् ।
स्थानीय सरकारकै निर्देशनमा आफ्नो क्षेत्रको सुरक्षा, स्वास्थ्य, शिक्षा र विकास पहिलो प्राथमिकतामा राख्ने उनले जनाए । उनको वडामा ७ हजार ३६ मतदाता रजिष्टर्ड छन् । ७५ हजार जनसंख्या रहेको वकिङ बरोबाट कुल १०२ जना उम्मेदवारमध्ये ३० जना काउन्सिलर छानिएका छन् ।
सिमांकनले ६ वटा काउन्सिलर घटाउंदा गत वर्षमात्र जितेका रानाले यो वर्ष पनि प्रतिष्पर्धा गर्नुपरेको हो । गोर्खा रेजिमेन्टमा ३१ र ब्रिटिश रेजिमेन्टमा १३ वर्ष नोकरी गरेका राना अवकास पछि राजनीतिमा आएका हुन् । स्याङ्जामा जन्मिएका रानाको स्थायी बसोवास पोखरामा छ ।
केन्द्रिय राजनीतिमा हालसम्म प्रवेश नभएपनि स्थानीय राजनीतिमा नेपालीको संलग्नता पछिल्ला वर्ष बढ्दै गएको छ ।
प्रतिक्रिया

सम्बन्धित सामाग्री
- राजदूत लोकदर्शन रेग्मीद्वारा शपथ : कार्यभार सम्हाल्न बेलायत आउने तयारी
- युरोपेली युनियनका राजदूतलाई ७२ घण्टाभित्र भेनेजुएला छाड्न आदेश
- बीबीसी मास्टरसेफका फाइनालिष्ट सन्तोष साहको नेपालमा भव्य स्वागत
- बेलायतका लागि नवनियुक्त राजदुत रेग्मीले लिए सपथ
- नेपाली साहित्यलाई अन्तर्राष्ट्रियकरणका लागि अनुवादको सुविधा