बिहीबार, कार्तिक ६ २०७७ | Thu, October 22, 2020
नेपालको समय: ०९:४४ | UK Time: 04:59

डा. रिजालले भुवन केसीको साथमा फिल्म बनाउने

वीनेपाली
२०७३ वैशाख २६ गते ०:११
डा. कपिल रिजाल

डा. कपिल रिजाल

लन्डन । नेपाली सिनेमाप्रति गहिरो अभिरुची राख्ने बेलायतका एकजना समाजसेवी डा. कपिल रिजालले बेलायतबाटै एउटा फिल्म निर्माण गर्ने भएका छन् । रिजालले नायक, निर्माता तथा निर्देशक भुवन केसीको सहयोगमा फिल्म निर्माण गर्ने भएका हुन् ।

नायक एवं निर्माता केसी आफ्नो निर्देशनमा बनेको चलचित्र ड्रिम्स प्रदर्शनका लागि हिरो सुपुत्र अनमोल केसीका साथ शनिवार लन्डन उत्रिएपछि आयोजित पत्रकार सम्मेलनमा रिजालले उक्त योजना सुनाए ।

आफ्नो समेत लगानी रहेको ड्रिम्स सफल भइरहंदा रिजालले आफ्नै कथा र स्क्रिन प्लेमा सामाजिक फिल्म बनाउने जानकारी दिए । फिल्ममा नायक अनमोल केसी, सन्तोष पन्त र धुर्मुस जस्ता कलाकार लिने सोच बनाइसकेका रिजालले फिल्मको नाम पछि तोकिने बताए ।

नेपालका वरिष्ठ स्त्रीरोग विशेषज्ञ डा. भोला रिजालका सुपुत्र कपिलको बेलायती नेपाली डायस्पोरामा आफ्नै पहिचान छ । उनले गत वर्षको भूकम्प लगत्तै करिब तीन दर्जन चिकित्सक र नर्स लिएर नेपालमा स्वास्थ्य शिविर र राहत, उद्दार तथा पुनर्निर्माणमा उल्लेख्य काम गरेका थिए ।

प्रतिक्रिया

सम्बन्धित सामाग्री

फेसबुक