आले परिवार तन मनले लागेको छ समाजसेवामा । तस्विरः शिव भण्डारी

लन्डन । रत्न आश्रमको सहयोगार्थ गत शनिबार सांझ लन्डनमा आयोजित च्यारिटी डिनरबाट ४ हजार ६ सय ६६ पाउण्ड संकलन भएको छ । खर्च कटाएर बचेको यस रकममा चन्दा समेत समावेश छ ।

समाजसेवी मन सुनुवारले सञ्चालन गरेको दमक ९ झापास्थित रत्न आश्रमका लागि सहयोग जुटाउन लन्डन ह्यारो बरो फुटबल क्लबमा च्यारिटी गरिएको थियो । आश्रममा हाल ४ जनाले वृद्धवृद्धाले आश्रय लिइरहेका छन् । ति वृद्धवृद्धालाई स्वास्थ्यपचार, खाना, बस्न लगायत सम्पूर्ण खर्च मन सुनुवारले नै बेहोरेकी छिन् । आश्रममा भविष्यमा अरु वृद्धवृद्धा थप्ने योजना समेत सुनुवारको छ ।

आश्रम सञ्चालिका मन सुनुवारले सम्पूर्ण चन्दा दाता र कार्यक्रम सफल बनाउन सघाउने जुनकिरी इनिसिएटिभ, मिसन टु हेल्प नेपाल, वेम्ली महिला मगर संघ, नेपलिज नर्सिङ एसोसिएसन यूके र होस्ट लारा अनि शशी थापा सुब्बाप्रति आभार व्यक्त गरेकी छिन् ।

उनले आफूलाई सहयोग गर्ने छोरी पारिका आलेप्रति विशेष कृतज्ञता व्यक्त गर्दै यस्तो सामाजिक काममा युवा पुस्ताको क्रियाशिलता समेत महत्वपूर्ण हुने भएकाले भविष्यमा उनीहरुलाई झन् सक्रिय सहभागिता जनाउन आग्रह गरिन् ।