शुक्रबार, कार्तिक ७ २०७७ | Fri, October 23, 2020
नेपालको समय: ११:१६ | UK Time: 06:31

मुखमा ट्यूमर भएकी रेबिकालाई यूकेबाट साढे ४ लाख सहयोग

वीनेपाली
२०७३ वैशाख २३ गते २२:४९

 

rebika rai
लण्डन । अार्थिक अभावका कारण मुखकाे ट्युमरकाे उपचार गर्न असमर्थ रेबिका राईको उपचारका लागि युकेबाट साढे चार लाख सहयाेग जुटाइएकाे छ ।

खोटाङ जिल्ला च्यानडाँडा ८  तेर्थतुल स्थाई घर भई  हाल बुढानिलकण्ठ काठमाडौंमा आफ्नो परिवारसँग भाडामा बस्दै आएकी १४ वर्षिया राईको उपचारमा अार्थिक अभावकाे समाचार सामाजिक सन्जाल फेसबूकमा आएपछि खोटाङ बुईपा घर भइ हाल स्विन्डन वेलायतमा बसोबास गर्ने धनकुमार राई, कल्पना राई तथा भोला बिक्रम राईले फेसबुकमार्फत सयुंक्त अभियान चलाइ ४ लाख ४९ हजर ५७० रूपियाँ सहयाेग संकलन गरेका हुन । साे रकम आजै बैंक ब्यवसायी अप्सरा राई तथा डा. अस्मिता राईले संयुक्तरुपमा रेबिका राईकै बासस्थानमा गई उनलाई हस्तान्तरण गरेकाे बताइएकाे छ। । सो अवसरमा पीडितका बाबाआमाले सम्पूर्ण  यूकेबासीलाई सहयोगदाता धन्यवाद दिएका छन्।
रेबिका राईको ५ वर्षको हुँदादेखि नै ट्यूमर आएको र अहिले १४ वर्षको हुँदासम्म नेपालमै तीनपटक अपरेसन गरिसकिए पनि पूर्णरुपमा निको हुन सकिरहेको थिएन। डाक्टरहरुले भारतमा लगेर उपचार गरे पूर्णरुपमा निको हुनसक्ने सल्लाह दिएपछि कोलकातास्थित लाइफलाइन नर्सिंग होममा लगेर रेबिका राईको उपचार गरिन लागिएको हो।

दैनिक मजदूरी गरेर जीबिका चलाउने राईको बाबाआमाको आर्थिक अभावको कारण उपचार गराउन नसक्ने भएपछि सामाजिक सन्जालमा सहयोगको लागी अपील गरिएको थियो। रेबिका राई आज ५ मे, २०१६ नै उपचारको लागी कोलकत्ता प्रस्थान गर्ने कार्यक्रम रहेको छ।

प्रतिक्रिया

सम्बन्धित सामाग्री

फेसबुक