शुक्रबार, कार्तिक ७ २०७७ | Fri, October 23, 2020
नेपालको समय: ०९:४४ | UK Time: 04:59

लन्डनमा शान्ति पदयात्रासहित बुद्ध जयन्ती मनाउने तयारी

वीनेपाली
२०७३ वैशाख २१ गते १०:५४

Buddha jayanti banner

लन्डन । साउथ इष्ट लन्डनमा शान्ति पदयात्रासहित २५६० औं बुद्ध जयन्ती मनाउने तयारी भएको छ । २१ मे दिनभर बुद्ध जयन्ती मनाइने आयोजक दक्षिणपूर्व क्षत्रीय तमुधिं लन्डनले जानकारी दिएको छ ।
कार्यक्रम अनुसार बिहान १० बजे उलबीच टाउन हलमा भेला भएर ११ देखि १ बजेसम्म शान्ति पद यात्रा र्याली एवं १ देखि ६ बजेसम्म टाउनहलमा पूजा प्रवचन गरिने छ ।

पोहोर साल झैं यसवर्ष पनि शान्तिका विभिन्न सन्देशहरु, भगवान बुद्ध दर्शनका महावाणीहरु, बुद्ध भगवान नेपालमा जन्मेका थिए जस्ता सन्देश सन्देश प्रवाह गर्दै जयन्ती मनाउन लागिएको हो । भगवान बुद्ध भारतमा जन्मेका हुन् भन्ने भ्रम चिर्न बुद्ध नेपालमा जन्मेका थिए जस्ता प्लेकार्डहरु प्रदर्शन गरेर तथा शान्ति पदयात्रामा सहभागी भएर कार्यक्रम सफल पारिदिन आयोजकको आग्रह छ ।
कार्यक्रम संयोजक एवं उक्त संस्थाका सल्लाहकार सुमलकुमार गुरुङ र अध्यक्ष श्रीचन्द्र गुरुङले कार्यक्रम सफल बनाउन आग्रह गरेका छन् । कार्यक्रममा हरेक संस्थालाई कम्तीमा ५० जनासहित प्लेकार्डहरु बोकेर सहभागिता जनाउन उनीहरुको आग्रह छ ।

प्रतिक्रिया

सम्बन्धित सामाग्री

फेसबुक