लन्डन । बेलायतमा कर्मथलो बनाइरहेकी कलाकार रोमियन लिम्बु पछिल्लो पटक यस क्षेत्रमा झन् सक्रिय भएकी छिन् । नागबेली फिल्मकी निर्मात्री रोमियनले अभिनय गरेको गायक पदम राईको लोक पप गीत तिम्ले छाडी गए पनि… को म्यूजिक भिडियो सार्वजनिक गरिएको छ ।
दुई दिन अघि सार्वजनिक उक्त भिडियोमा रोमियन र सक्षम श्रेष्ठको अभिनय छ भने निर्देशन गोबिन्द राईले गरेका हुन् । उक्त गीत बिनोद र राजु श्रेष्ठले लेखेका हुन् ।
रोमियनले भिडियो हेरेर प्रतिक्रिया दिन दर्शकसंग आग्रह गरेकी छिन् ।
बेलायत भएर पनि रोमियनको कलाकारिता झन् झांगिदो छ । उनको भूपू लाहुरे नामक फिल्म प्रदर्शनको तयारीमा छ, जसमा उनले मुख्य भूमिका निर्वाह गरेकी छिन् ।
ब्रिटिश गोर्खा नेपलिज काउन्सिलको कलाकार विभाग प्रमुख रोमियनले एलबी सुब्बाको निर्देशनमा बन्न लागेको भर्जिनिया वाटर फिल्ममा समेत लिड रोल हुने जनाइन् । उक्त सिनेमा आगामी एक जुलाइबाट यूकेमा छायांकन शुरु हुने बताइएको छ ।
भिडियो हेर्नुहोस्ः
