ब्रसेल्स, १३ वैशाख । आत्मघाती बम आक्रमणपछि बन्द ब्रसेल्स मेट्रो स्टेसन सोमबारदेखि सञ्चालनमा आएको छ ।
उक्त मेट्रो स्टेसनमा एक आत्मघाती बम आक्रमणकारीले विस्फोट गराउँदा १६ जनाको ज्यान लिएको हृदयविदारक हमलापछि केही समय अनुसन्धानका लागि बन्द गरिएको थियो । स्टेसनमा भएको विभत्स हमलापछि सुरक्षा अवस्थालाई पनि मध्यनजर राख्दै सेवा बन्द गरिएको थियो ।
घटनालाई विस्तारै बिर्सिदै गएपछि स्थानीयहरु सेवाका लागि स्टेसन पुग्न थालेका र प्राय अनुसन्धानको काम पनि सकिएकाले मालविक रेल स्टेसन खुला भएको उक्त स्टेसनका कर्मचारी भेनेसा सालेम्बिरले बताउनुभयो । काम फर्किदा खुशी त लागेको छ । तर त्यो हृदयविदारक घटनालाई सम्झिँदा अझै डर लाग्छ ।
उनले बाध्यताबस मैले यस ठाउँमा बिहानदेखि बेलुकासम्म काम गर्नैपर्छ, यो मेरो जागिर हो भनिन् ।
ब्रसेल्स विमानस्थलले आक्रमणको १२ औँ दिनपछि प्राय सेवा सञ्चालनमा ल्याउन सुरु गरेको बताउँदै यसलाई पूर्ण सञ्चालनमा ल्याउन आगामी जुनसम्म कुर्नुपर्ने भएको विमानस्थल स्रोतले बतायो ।