आइतबार, कार्तिक १६ २०७७ | Sun, November 01, 2020
नेपालको समय: ०६:०४ | UK Time: 00:19

प्रेस चौतारीको झन्डा सगरमाथामा फहराइने

वीनेपाली
२०७३ वैशाख २ गते १२:२८
प्रेस चौतारी नेपालको कार्यालयमा बिहीबार चौतारीका अध्यक्ष राजेन्द्र अर्यालले नेकपा (एमाले) सोलुखुम्बुका जिल्ला समिति सदस्य लाक्पाघेलु शेर्पालाई आरोहणका क्रममा सगरमाथामा फहराउनका लागि चौतारीको झन्डा हस्तान्तरण गर्दै । तस्बिर ः अच्युत रेग्मी, रासस

प्रेस चौतारी नेपालको कार्यालयमा बिहीबार चौतारीका अध्यक्ष राजेन्द्र अर्यालले नेकपा (एमाले) सोलुखुम्बुका जिल्ला समिति सदस्य लाक्पाघेलु शेर्पालाई आरोहणका क्रममा सगरमाथामा फहराउनका लागि चौतारीको झन्डा हस्तान्तरण गर्दै । तस्बिर ः अच्युत रेग्मी, रासस

काठमाडौँ, २ वैशाख । नेकपा एमाले सोलुखुम्बुका जिल्ला समिति सदस्य तथा प्रेस चौतारी नेपालका सदस्य लाक्पाघेलु शेर्पाले प्रेस चौतारी नेपालको झन्डा सगरमाथाको चुचुरोमा फहराउने हुनुभएको छ ।

प्रेस चौतारी नेपालको कार्यालयमा आज चौतारीका अध्यक्ष राजेन्द्र अर्यालले शेर्पालाई सगरमाथामा फहराउनका लागि चौतारीको झन्डा हस्तान्तरण गर्नुभएको छ । अर्यालले चौतारीको महाधिवेशनको पूर्वसन्ध्यामा चौतारीको झन्डा फहराउन लागिएकोमा खुसी व्यक्त गर्दै सफलताको शुभकामना व्यक्त गर्नुभयो ।

शेर्पाले नेकपा ९एमाले०को शुभेच्छुक संस्था चौतारीको झन्डा सगरमाथामा फहराउन दृढ इच्छा रहेको उल्लेख गर्दै “म अहिलेसम्म ११ पटक सगरमाथा चढेँ, यसपटक चौतारीको झन्डा फहराउने भएकोमा ज्यादा खुसी छु,” भन्नुभयो ।

उहाँले सगरमाथा तीन करोड नेपालीको साझा सम्पत्ति भएकाले त्यहाँबाट उठेको रकम विकासमा लगाउनुपर्नेमा जोड दिनुभयो ।

शेर्पा एभरेस्ट परिवार टेकिङमार्फत वैशाख ३ गते त्यसतर्फ जाँदै हुनुहुन्छ भने उहाँले आगामी मे महिनाको पहिलो हप्तादेखि दोस्रो हप्तासम्म सगरमाथा आरोहण गर्दै हुनुहुन्छ । उहाँको अब हुने आरोहण १२औँ हो । उहाँका साथ १० विदेशीसहित १२ जना सगरमाथा चढ्दै हुनुहुन्छ ।

प्रतिक्रिया

सम्बन्धित सामाग्री

फेसबुक