शुक्रबार, कार्तिक ७ २०७७ | Fri, October 23, 2020
नेपालको समय: ०४:५१ | UK Time: 00:06

एसएलसी परीक्षा सम्पन्न, परीक्षाफल असार दोश्रो साता

वीनेपाली
२०७२ चैत ३० गते ०:११
डिल्लीबजारस्थित कन्या उच्च माविमा एसएलसी परीक्षामा सामेल भएका बहिरा विद्यार्थीहरुलाई निर्देशन दिदै । तस्बिर ः प्रदीपराज वन्त, रासस

डिल्लीबजारस्थित कन्या उच्च माविमा एसएलसी परीक्षामा सामेल भएका बहिरा विद्यार्थीहरुलाई निर्देशन दिदै । तस्बिर ः प्रदीपराज वन्त, रासस

भक्तपुर, २९ चैत । यही चैत १८ गतेदेखि देशभर एकैसाथ सुरु भएको यसवर्षको प्रवेशिका अर्थात एसएलसी परीक्षा आज सम्पन्न भएको छ ।

छिटफुट घट्ना बाहेक परीक्षा देशभर शान्तिपूर्णरुपमा सम्पन्न भएको परीक्षा नियन्त्रक कृष्णप्रसाद काप्रीले जानकारी दिनुभयो । देशभर १ हजार ४४३ परीक्षा केन्द्रबाट कूल ६ लाख १५ हजार ५५३ परीक्षार्थी सहभागी भएका थिए ।

प्राविधिक धारतर्फको प्रयोगात्मक परीक्षा आज सम्पन्न भएको हो भने त्यस बाहेकका परीक्षा गत शुक्रबार सम्पन्न भएका थिए ।

परीक्षा अवधीभर अनियमितता गर्ने ३२८ जना परीक्षार्थीलाई परीक्षाबाट निष्कासन गरिएको, ३७ जना निरीक्षक र ३० जना सहायक कर्मचारीसहित अन्य व्यक्ति गरी ३९५ जनालाई कारबाही गरेको परीक्षा नियन्त्रक काप्रीले जानकारी दिनुभयो ।

परीक्षा नियन्त्रक काप्रीले परीक्षा सकिएको तीन महिनाभित्र नतिजा सार्वजनिक गर्ने नियम रहेपनि असारको दोश्रो सातासम्म परीक्षाफल सार्वजनिक गर्नेगरी तिब्ररुपमा काम गर्ने बताउनुभयो ।

प्रतिक्रिया

सम्बन्धित सामाग्री

फेसबुक