एनसिआइ युकेका अध्यक्ष गुरुङको वातावरण मन्त्रीसित भेट

लण्डन । नेपलिज कोअपरेटिभ इन्भेष्टमेण्ट (एनसिआइ) युकेका अध्यक्ष मोहन गुरुङले नेपालमा वातावरण मन्त्री विश्वेन्द्र पासवानसित भेटघाट गरी सौर्य उर्जाबारे छलफल गरेका छन् ।
तनहुँ क्षेत्र नम्बर ३ का सभासद टुकराज सिग्देल र व्यवसायी तिलबहादुर आलेका साथमा सिंहदरबारस्थित मन्त्रालयमा भएको भेटघाटमा उर्जा संकटमा गुज्रिरहेको नेपालमा वैकल्पिक उर्जामा लगानीका बारेमा छलफल भएको अध्यक्ष गुरुङले जानकारी दिए ।
एनसिआइ युकेले सौर्य उर्जामा लगानी गर्ने चासो देखाएको थियो । सो अवसरमा मन्त्री पासवानले सरकारको तर्फबाट गर्नपर्ने सहयोगमा कुनै कमी नरहने प्रतिवद्धता व्यक्त गरेका थिए ।
भेटघाट अत्यन्तै सकारात्मक रहेको अध्यक्ष गुरुङले बताए ।

एनसिअाइ युके युकेका नेपाली व्यवसायीहरूकाे साझा पहल हाे । यसले नेपाल, युके र डेनमार्कमा लगानी गरेकाे छ ।