गायिका देविका केसी

लन्डन । नेपाली नयां वर्षको अवसरमा उलवीचमा हुन लागेको सनराइज शुभकामना सांझमा तीन चर्चित कलाकारहरुको सांगीतिक भिडन्त 
(दोहोरी) हुने भएको छ । चर्चित गायकहरु शिव परियार, रामजी खांड र गायिका देविका केसी सम्मिलित कार्यक्रम आगामी अप्रिल १२ तारिख सांझ स्थानीय लोटस क्लवमा हुन लागेको हो ।

कार्यक्रमको आयोजक हुन् प्रकाशराज कंडेल ।

कार्यक्रममा साउण्ड सिस्टम हेर्ने जिम्मा हेम बिष्टलाई दिइएको छ ।

यतिखेर बेलायत टुरमा रहेका गायक खांड र गायिका केसीको माग अत्यधिक छ । उनीहरु सोमबार सांझमात्र बर्मिंगहममा शान्ति नेपाली समाज बेलायतको कार्यक्रममा सहभागी भए भने आगामी साता ग्रेटर रसमोर नेपलिज कम्युनिटीको नयां वर्ष सांझ गर्दैछन् ।

कंडेलले यसअघि गायिकाहरु इन्दिरा जोशी र सुनिता दुलाल एवं नृत्य 
निर्देशक गोविन्द राईलाई बोलाएर सोही क्लवमा कार्यक्रम गरेका थिए ।

यसबाहेक उनले रमिला न्यौपाने र कुलेन्द्र विश्वकर्माको कार्यक्रम पनि गरेका थिए ।

कंडेलले नेपालबाट राष्ट्रिय कलाकार यूके आएका बेला नेपालीहरु धेरै बसोवास रहेको लन्डन साउथ इष्ट क्षेत्रमा कार्यक्रम गरेर मनोरन्जन प्रदान गर्ने उद्देश्य आफ्नो रहेको जनाए ।