शनिबार, कार्तिक १५ २०७७ | Sat, October 31, 2020
नेपालको समय: ०९:२८ | UK Time: 03:43

प्रणयलाई इन्टरनेशनल स्टुडेन्ट अफिसरको रनरअप उपाधि

वीनेपाली
२०७२ चैत २१ गते १४:५५

Pranay Raj Shakya - Award
लन्डन । लिभरपुल होप युनिभर्सिटीमा सोसल पोलिसी (मास्टर लेभल) मा अध्ययनरत प्रणयराज शाक्य एस यू सबबाटिकल रनर अप अवार्डबाट सम्मानित भएका छन् । यस युनिभर्सिटीमा यो अवार्ड पाउने उनी पहिलो अन्तर्राष्ट्रिय विद्यार्थी हुन् । अन्तर्राष्ट्रिय विद्यार्थी भएर उनले अन्य विद्यार्थीको हकहितका लागि काम गरेकामा त्यसको सरहाना गर्दै एनयूएस यूकेबाट सम्मान स्वरुप इन्टरनेशनल स्टुडेन्ड अफिसर अफ दि इयर २०१६ रनर अपको उपाधि पाएका हुन् ।

सन् २०१४ मा प्रणयले गोल्डेन स्टुडेन्ट अफ दि इयर अवार्ड समेत पाएका थिए ।

गत मार्चमा भएको विद्यार्थी चुनावमा प्रणय २०१६, २०१७ का लागि पुनः नेतृत्वमा चुनिएका छन् । उनी एसयू भाइस प्रेसिडेन्ट फर एजुकेशनमा निर्वाचित भएका हुन् ।

लिभरपुल होप युनिभर्सिटीको सन् १८८४ देखिको इतिहासमा अन्तर्राष्ट्रिय विद्यार्थीले दुई कार्यकाल निर्वाचित हुने प्रणय पहिलो विद्यार्थी भएको बताइएको छ । उनको यो कार्यकालमा विद्यार्थीहरुलाई बेलायतको उच्च शिक्षाको मापदण्ड अनुसार पाठ्यक्रम र त्यसलाई कार्यान्वयन गर्न युनिभर्सिटीसंग मिलेर काम 
गर्ने बताए ।

प्रणय सन् २०१३ मा उच्च शिक्षाका लागि बेलायत आएका हुन् । उनले छोटो अवधिमै लिभरपुल होप युनिभर्सिटी माझ नेपाल र नेपाली चिनाउने थुप्रै काम गरेका छन् । उनले आफ्नो कार्यकालमा लिभरपुल होप युनिभर्सिटी अध्ययनरत विद्यार्थीलाई नयां भाषा सिक्ने मौका देखि तालिमहरु समेत दिएका छन् । नेपाल मा विनाशकारी भूकम्पपछि सहयोग तथा उद्दारका लागि उनी नेपाल पुगेका थिए ।

उनले आफ्नो विश्वविद्यालयबाट आर्थिक सहयोग संकलन गरि सांखु र धादिंगमा टिनको अस्थायी आवास गृह बनाएका थिए । प्राथमिक विद्यालय स्तरका वालवालिकामा भूकम्पपछिको पोष्ट ट्रमाटिक विकासका काम र विभिन्न प्रोजेक्ट गर्ने उनको भावी योजना समेत छ ।

प्रतिक्रिया

सम्बन्धित सामाग्री

फेसबुक