महिला एसोसिएसनमा पुनः आरती श्रेष्ठ

लन्डन । नेपलिज वुमन एसोसिएसन यूकेको वार्षिक साधारणसभाले पुनः आरती श्रेष्ठलाई अध्यक्ष चुनेको छ ।

शनिवार बोस्टन म्यानरस्थित मन्टिज रेष्टुरेन्टमा आयोजित साधारणसभाले श्रेष्ठको नेतृत्वमा तदर्थ समितिलाई पूर्णता दिएको हो ।

नयां कार्यसमितिको उपाध्यक्षमा पुनम गुरुङ, महासचिव डा. सुधा श्रेष्ठ, कोषाध्यक्ष सितु खरेल र सदस्यहरुमा प्रसुना कंडेल, आस्था पौडेल, बिन्दु सुब्बा, रजनी रिजाल लगायत चुनिएका छन् । यसपटक संस्थामा बढि सक्रिय र प्रतिवद्ध महिलालाई स्थान दिइएको हो ।

आरती श्रेष्ठको अध्यक्षता र संरक्षक रिता क्षेत्रीको विशेष उपस्थितिमा आयोजित उक्त वार्षिक साधारण सभामा आय व्यय र वार्षिक प्रतिवेदन पारित गरिएको थियो ।

सन् २०१४ को प्रारम्भमा तदर्थ समिति गठन गरेर संगठित भएका यहांका महिलाले छोटो समयमै प्रभावकारी काम गरेका छन् । एसोसिएसनले छिट्टै
महिला सशक्तिकरणका लागि थप कार्यक्रम ल्याउने योजना बनाएको छ ।

एसोसिएसनले तदर्थ समितिकै अवधिमा भूकम्प पीडित र प्रिजनर्स असिस्टेन्स नेपाललाई आर्थिक सहयोग, दुई पटक च्यारिटी कफी मर्निङ, तीज फेस्टिबल, एसियन मेलामा सहभागिता लगायत कार्यक्रम गरिसकेको छ ।