मंगलबार, कार्तिक ११ २०७७ | Tue, October 27, 2020
नेपालको समय: २०:५६ | UK Time: 15:11

भूकम्प पीडितको नाममा संकलित रकम एक्लैले सुटुक्क दूतावास लगेपछि…

वीनेपाली
२०७२ चैत २० गते १:०९

12935241_10153431319103639_1862186558_n-700x525

लन्डन । भूकम्प पीडितको नाममा समूहगत प्रयासमा संकलित रकम एक्लैले सुटुक्क दूतावास लगेर बुझाएपछि यहां विवाद बढेको छ । रोशना गुरूङले उठेको रकम समेत पुरा नलगि लन्डनस्थित दूतावासमा हतार हतार बुझाएपछि समूहमा खटिएका अरु महिला आक्रोशित भएका छन् । उठेको रकम भन्दा नेपाली रू १,५०,६०० (एक लाख पचास हजार छ सय) कम रकम दूतावासमा बुझाइएपछि अन्यले असन्तुष्टि व्यक्त गरेका हुन् ।

महिला समाजसेवी शशी थापा सुब्बा लेख्छिन्ः

गत २०१५ सेप्टेम्बर १८ तारिख यता होम्स् फर ह्यूम्यानिटी संस्थाले भूकम्प पीडितको सहयोगार्थ च्यारिटी कार्यक्रमहरू गर्दै आएको छ । त्यस मध्येको एक कार्यक्रम हन्स्लो हिथ बस ग्यारेजमा १२ अक्टोबरका दिन र अर्को ग्यारेजमा त्यसको एकहप्ता पछि गरेर २ वटा च्यारिटी लञ्च रोशना गुरूङको विशेष सहयोगमा गरिएको थियो । उक्त कार्यक्रममा राफलबाट ९ सय पाउण्ड, खाना बेचेको जम्मा १,१०० पाउण्ड र रोशनाकै श्रीमानले नेपाली रू एक लाख पच्चीस हजार दिने वचन सहित जम्मा चार लाख सत्तरी हजार छ सय रुपैयां रोशना गुरूङले नै राखेकी थिइन् ।

पछि सो रकम बिसी फाउण्डेशन (जसले भूकम्प पीडितहरूका लागि एकहजार घर निर्माण गरिरहेको छ) मा पठाउने निर्णय भयो । रोशना गुरूङले उक्त संस्थाकी सदस्य बबी लामालाई आफ्नो पैसा नेपालमै भएको र उतैबाट हस्तान्तरण गर्ने शर्तमा यहां उठेको रकम तातो पानीको बोइलर जडान गर्न चलाउने अनुमति मागिन् । बबीले तत्कालै उक्त संस्थाकी कार्यक्रम संयोजक लक्ष्मी राई (लारा) लाई बताउंदा उनकै सहयोगमा उठेको रकम हो, नेपालमा चेक लिने गरी सल्लाह गरेर अनुमति दिउं भनिन् । त्यस पश्चात उठेको रकम नेपालमा बिसी फाउण्डेशनमा बुझाउन जाने बेला बबी लामाले सो रकम बराबरको चेक नेपालमा दिनेबारे ताकेता गर्दा रोशनाले ढिलासुस्ती र आनाकानी गर्न थालिन् ।

यही कुराले बबी र रोशनाको विवाद बढ्न थालेपछि बबीलाई धोका भएको शंका लागी आफूहरूसंग भएको अन्य रकम रू पांचलाख साठी हजार लक्ष्मी राई र बबी लामा नेपाल गएर बुझाए । पछि पनि रोशनासंग बारम्बार सो पैसाको ताकेता गर्न थाले उनीहरुले किनकि होम्स फर ह्यूम्यानिटीको लक्ष्य अनुरूप नै पैसा बुझाउन रोशनाको साथमा भएको पैसाले मात्र पूरा हुने थियो । नेपाली रू १००००० बुझाउने कुरा अनुसार नै रोशनाको पैसा लिन खोज्दा आफूलाई तिमीहरूको विश्वास नलागेको भन्दै टार्न खोजेपछि लक्ष्मी राई, बबी लामा, बिमला सेने, मात्रिका पौड्याल, राजेन्द्र भट्ट साथै म शशी थापा सुब्बा होम्स् फर ह्यूम्यानिटीका सदस्यहरू साथै रोशना गुरूङलाई पनि जोडेर एउटा भाइबर ग्रुप खडा गरि रोशनालाई सो पैसा भूकम्प पीडितको नाममा उठाइएको र जुन उद्देश्यले उठाएको हो त्यसरी नै खर्च गर्नुपर्नेबारे बारम्बार अनुरोध गरिरह्यौं ।

पीडितको नाममा क कसले ठगी गरिरहेको छ, नाम र संस्था सहित खुलाएर छापिदिने धम्की यही पंक्तिकारले भाइवरमा दिएपछि उक्त उठेको रकम भन्दा नेपाली रू १,५०,६०० (एक लाख पचास हजार छ सय) कम रकम दूतावासमा बुझाइएको समाचार एक वेवसाइटमा पढ्न पाए पछि म शशी थापा सुब्बा मज्जाले अप्रिल फूल मनाएं । मलाई मात्र होइन, नेपाली दूतावासलाई पनि मज्जाले झुक्काइछिन् रोशनाले तर मेरो आग्रह के भने ठगहरूको ठगी लुकाउने थलो नबनोस् नेपाली दूतावास ।

समाचार भित्रको अचार पनि लेखिनु पर्छ भनेर म संधै भन्ने गरेकी छु । पत्रकार महोदयले यति त सोध्नु पर्ने होइन र यो पैसा कहिले कसरी र क कसको मिहिनेतले उठेको ? कम से कम पत्रकारिताको एउटा बलियो पक्ष तिथी, मिति र स्थान पनि हो है साथी हो ।

प्रतिक्रिया

सम्बन्धित सामाग्री

फेसबुक