लन्डन । नेपाली नयां वर्षको आगमन हुनै लाग्दा बेलायतको नेपाली समुदायमा विभिन्न कार्यक्रम तय गरिएका छन् । यसै क्रममा ग्रेटर रसमुर नेपाली कम्युनिटीले सदा जस्तै यस वर्ष पनि नयां वर्ष सांझ गर्ने तयारी गरेको छ ।
आगामी ८ अप्रिल सांझ कम्युनिटीले अल्डरसटस्थित इम्पायर हाउसमा नेपालका राष्ट्रिय कलाकारहरूको सहभागितामा कार्यक्रम गर्न लागेको हो ।
उक्त सांझमा नेपालबाट आएका कलाकारहरू वरिष्ठ गायक शम्भु राई साथै लोकदोहोरी गायक गायिका देविका केसी र रामजी खांड आउने कार्यक्रम छ । यस अलवा प्रथम नौमती बाजा गुल्मी यूकेको प्रस्तुति र स्थानीय वालवालिकाको कल्चरल शो मुख्य आकर्षण हुनेछन् ।
स्थानीय नेपाली व्याण्ड र डिजे पनि कार्यक्रममा समावेश भएको जनाउंदै कम्युनिटीले कार्यक्रममा सहभागी भएर नयां वर्ष शुभकामना आदानप्रदान एवं मनोरन्जन लिन आग्रह गरेको छ ।
यसैबीच, लन्डनमा पनि ८ अप्रिलकै सांझ नयां वर्ष कार्यक्रम हुने भएको छ । नेपलिज ब्रिटिश कम्युनिटी यूकेले साउथ ह्यारोस्थित ह्यारो बरो फुटबल क्लव हलमा कार्यक्रम गर्न लागेको अध्यक्ष कमल खनालले जनाएका छन् ।
