सोमबार, कार्तिक १० २०७७ | Mon, October 26, 2020
नेपालको समय: ०७:२० | UK Time: 01:35

नेपालको लगातार तेस्रो जित

वीनेपाली
२०७२ चैत १८ गते २०:३७

काठमाडौँ, १८ चैत । प्रथम दक्षिण एसियाली महिला बास्केटबल प्रतियोगितामा नेपालको अपराजित यात्रा कायम राख्दै तेस्रो जित हासिल गरेको छ ।

त्रिपुरेश्वरस्थित राष्ट्रिय खेलकुद परिषद् (राखेप)को कबड हलमा आज भएको खेलमा नेपालले भुटानलाई ९०–३२ ले पराजित गरयो । भावना लामाले २१ अङ्क जोडेपछि नेपालको जित प्रभावशाली भयो ।

पहिलो क्वाटरमै २४–९ को अग्रता लिएको नेपालले अन्तिमसम्म अग्रतालाई कायम राख्दै क्रमशः ३४–६, १६–७ र १६–१० अङक जोड्यो । यसअघि भएका आफ्ना दुवै खेलमा नेपालले बङ्गलादेश र माल्दिभ्सलाई हराइसकेको छ ।

आजै भएको पहिलो खेलमा माल्दिभ्सले बङ्गलादेशलाई ६२–२८ ले पाखा लगायो । प्रतियोगिताअन्तर्गत शुक्रबार श्रीलङ्का र बङ्गलादेश तथा माल्दिभ्स र भुटानबीच खेल हुनेछन् ।

प्रतिक्रिया

सम्बन्धित सामाग्री

फेसबुक