टियर टु नीतिमा हेरफेर

लन्डन । बेलायत सरकारले टियर टु (वर्क परमिट) सम्वन्धि नीतिमा केही हेरफेर गरेको छ ।
होम अफिसले इन्डिपेन्डेन्ट माइग्रेसन एड्भाइजरी कमिटी (एमएसी) को सुझावमा २४ मार्चमा टियर टु नीतिमा पुनरावलोकन गरेको हो ।

यूके भिजाज् एण्ड इमिग्रेसन (यूकेभिआइ) का अनुसार, अटम २०१६ मा टियर टु (जनरल) को स्यालरी थ्रेसहोल्ड वार्षिक २५ हजार पाउण्ड र अप्रिल २०१७ मा ३० हजार पाउण्ड हुनुपर्ने गरि बढाइएको छ । यद्यपि, स्वास्थ्य र शिक्षा पेशेवरहरुको हायर थ्रेसहोल्डमा भने आगामी जुलाई २०१९ सम्म छुट गरिएको छ । नयांका हकमा २०, ८०० पाउण्ड नै कायम गरिनेछ ।

टियर फोरमा रहेका विद्यार्थीले टियर टुमा जांदा अब तिनका स्पोन्सरले रेसिडेन्ट लेवोर मार्केट टेष्ट लिनु नपर्ने जनाइएको छ ।

यस अलवा नर्सहरु सर्टेज अकुपेशन लिष्टमै रहने भएका छन् तर स्पोन्सर गर्नेले गैर युरोपेली नर्सहरुलाई लिनुपूर्व रेसिडेन्ट लेवोर मार्केट टेष्ट भने लिनुपर्नेछ ।