लन्डन । गत वर्ष गठित ब्रिटिश गोर्खा नेपाली परिषद नामक संस्था विस्तार गरिएको छ । परिषदको हालै सम्पन्न बैठकले कार्यसमिति विस्तार गरेको हो ।
विस्तारित कार्यसमितिमा अध्यक्ष एकराज नेम्वाङ, उपाध्यक्षहरु किरण टी लिम्बु, प्रमिला लावुङ राई, किशोर गुरुङ, महासचिव भरतमणी
चोम्वाङ र सचिवमा निया देवान छन् ।
त्यसैगरि, सदस्यहरुमा सन्जयभक्त कंडेल, रोमियन वनेम, कुमार इश्वो, मनोज गुरुङ र सुवास राई रहेका छन् ।
बैठकले महासचिव सरहको कार्यक्षेत्र अधिकार रहने गरि विभागीय प्रमुखहरु पनि चुनेको छ । जसमा पत्रकारिता विभाग प्रमुखमा सन्जयभक्त कंडेल, साहित्यिकतर्फ कुमार इश्वो, संगीतमा पारु राई, कलाकारिता विभाग प्रमुखमा रोमियन वनेम र खेलकुदतर्फ विष्णु गुरुङ र सकुन नेम्वाङ छन् ।
क्षेत्रीय संयोजकहरुमा ज्ञान गुरुङ, रामजी राई, नरेन्द्र लिम्बु, सन्देश नेम्वाङ, आर के मल्ल, छत्र वनेम, इतिशा नेम्वाङ राई, सप्तराज राई र विजय लिङथेपलाई तोकिएको छ ।
परिषदको बैठकले भविष्यमा शाखा विस्तार गर्दै जाने, समाजका विभिन्न क्षेत्रमा योगदान पुर्याउने व्यक्तित्वको पहिचान गरि सम्मान र पुरस्कृत
गर्ने भएको छ ।
साथै, संस्थाले सांस्कृतिक कार्यक्रम, च्यारिटी र अन्य विभिन्न माध्यमबाट आर्थिक संकलन गरि नेपालमा पिछडिएका समुदायको हित र विकासका लागि काम गर्ने अठोट लिएको छ ।
संस्थाले सबै संघसंस्था र समुदायसंग हातेमालो गर्दै अगाडि बढ्ने र जुलाईदेखि अगष्टसम्म गोर्खा कल्चरल नाइट समर कार्यक्रम गर्ने निर्णय समेत गरेको छ ।
