काठमाडाँै, १६ चैत । प्रधानमन्त्री केपी शर्मा ओलीले नेकपा (एमाले)को आजको स्थायी कमिटी बैठकमा आफ्नो चीन भ्रमणबारे जानकारी गराउनुभएको छ ।
एमाले पार्टी अध्यक्षसमेत रहनु भएका प्रधानमन्त्री ओलीले चीन भ्रमणमा दुई देशबीच पावहनलगायत सम्झौता भएको उल्लेख गर्दै भ्रमण समग्रमा सफल भएको बताउनुभएको थियो । प्रधानमन्त्री यही चैत ७ देखि १४ गतेसम्म छिमेकी चीनको भ्रमणमा जानुभएको थियो ।
पार्टीका उपाध्यक्ष अष्टलक्ष्मी शाक्यका अनुसार बुधबार बिहान पुनः बस्ने स्थायी कमिटीको बैठकमा केन्द्रीय सल्लाहाकार र विभागका सदस्यहरुको मनोनयसम्बन्धी कार्यसूचीमा छलफल हुनेछ । एमालेको पोलिटव्युरो बैठक यही चैत २३ र २४ तथा केन्द्रीय कमिटीको बैठक चैत २७–३० मा काठमाडाँै हुने निर्णय गत फागुन २४ मा सम्पन्न स्थायी कमिटीको ३४औँ बैठकले गरेको थियो ।
