अपरिचितलाई ढोका खोल्दा……………

प्रहरीले लुटपाटमा संलग्न भएका अाशंका गरेका युवाहरू ।तस्वीर द इभिनिङ स्ट्याण्डर्ड

प्रहरीले लुटपाटमा संलग्न भएकाे अाशंका गरेका युवाहरू ।तस्वीर द इभिनिङ स्ट्याण्डर्ड

लण्डन । अपरिचितलाई ढोका खोल्दा लण्डनका एक युवा मरणासन्न हुने गरी कुटिएका छन् भने उनको घर लुटिएको छ ।
लण्डनबाट प्रकाशन हुने द इभिनिङ स्ट्यान्डण्र्ड दैनिकका अनुसार दक्षिणी लण्डनको ग्रीनवीचस्थित क्राइस्ट चर्च वेमा अवस्थित ती युवाको फ्ल्याटमा कसैले ढोका ढक्ढकाउँछ । को रहेछ भनेर ढोका खोल्न नपाउँदै दुई युवाले घरधनीलाई जबरजस्ती धकेलेर घरभित्र पस्छन् ।
घरभित्र पसेपछि लुटेराहरुले घरधनीलाई लात्ती र मुक्काले बेस्सरी पिट्नुका साथै हत्कडी लगाउँछन् । त्यसपछि घरधनीलाई पैसा लगायतका बहुमूल्य सामान कहाँ कहाँ राखिएको छ सोध्दै लुटपाट गर्छन् ।
यो घटना गत फेब्रुअरी ४ मा भएको हो ।
लण्डनको महानगरीय प्रहरीले घटनामा संलग्न दुई पुरुष र एक महिलाको तस्वीर सार्वजनिक गरेको छ । प्रहरीले सार्वजनिक गरेको भिडियोमा लुटेराहरु लुटपाटपछि विदेशी नम्बर प्लेटको रातो भ्यानमा भागेको देखिन्छ ।
प्रहरीले शंकास्पद व्यक्तिहरुका बारेमा जानकारी भए संकेत नम्बर ३६०२६६९÷१६ उल्लेख गरी ०२०८२४७४८६३ मा खबर गर्न अनुरोध गरेको छ ।
यसअघि पूर्वी लण्डनको अप्टन पार्कमा पनि यस्तै घटना भएको थियो । प्रहरीले सार्वजनिक गरेको सो घटनाको भिडियोमा पहिले एक युवतीले मूलढोका ढक्ढक्याउने अनि घरधनीले ढोका खोल्नासाथ लुकेर बसेका युवाहरुले घरधनीलाई पिटेर घरभित्र पस्छन् । सो घटनामा संलग्नहरुलाई पनि प्रहरीले हालसम्म पक्राउ गर्न सकेको छैन ।
यस्ता घटनापछि अब घरमा कसैले मूलढोका ढक्ढक्यायो वा घण्टी बजायो भने ढोका खोल्नुअघि एकपटक सोच्नैपर्ने भएको छ ।

लुटपाटमा संलग्न अाशंका गरिएकी युवती । तस्वीर स्ट्यान्डर्ड

लुटपाटमा संलग्न अाशंका गरिएकी युवती । तस्वीर स्ट्यान्डर्ड

प्रतिक्रिया

सम्बन्धित सामाग्री