मंगलबार, मंसिर १४ २०७८ | Tue, November 30, 2021
नेपालको समय: १४:३५ | UK Time: 08:50

प्रधानमन्त्री क्यामरूनलाई नेपाल घुम्न निम्ताे पत्र

वीनेपाली
२०७२ माघ १८ गते १६:३१

 

PM Visit

लण्डन । बेलायतमा रहेका नेपाली व्यवसायी तथा नागरिकहरूको एक समूहले बेलायती प्रधानमन्त्री डेभिड क्यामरूनलाई नेपाल भ्रमणमा लैजान निम्तोपत्र बुझाएको छ ।

बेलायती प्रधानमन्त्रीको कार्यालय १० डाउनिङ स्ट्रीटमा सोमबार सो प्रतिनिधिमण्डलले निम्तापत्र बुझाएको हो ।

प्रधानमन्त्री क्यामरुनसित भेट्ने भनिए पनि उनी ब्यस्त रहेको कारण दर्शाउँदै उनका प्रथम सचिवले सो पत्र बुझेका थिए ।

प्रतिनिधिमण्डलमा बेलायती संसदमा नेपाल सम्बन्धी सर्वदलीय संसदीय समूहका संयोजक सांसद वीरेन्द्र शर्मा, एनअारएनए अाइसिसी सदस्य योगेन्द्रबहादुर क्षेत्री, यती नेपलिज एसोसिएसनका अध्यक्ष उमेश राज मोक्तान, तमुधिँ यूकेका पूर्व अध्यक्ष सुवसिं गुरूङ, नेपलिज वुमन एसोसिएसनका अध्यक्ष अारती श्रेष्ठ, नेपाल पत्रकार महासंघ यूकेका पूर्व अध्यक्ष नवीन पोखरेल, व्यवसायी राजाराम गिरी थिए ।

निम्तापत्रमा यूकेस्थित विभिन्न नेपाली व्यवसायी तथा नागरिकहरूले हस्ताक्षर गरेका छन् ।

प्रतिक्रिया

सम्बन्धित सामाग्री

फेसबुक