आइतबार, असोज ४ २०७७ | Sun, September 20, 2020
नेपालको समय: ००:३४ | UK Time: 19:49

एमआरपीमा ढिलाइ नगर्न दूतावासको आग्रह

वीनेपाली
२०७२ कार्तिक १५ गते १०:०१
कार्यवहाक राजदूत क्षेत्री आफैं फाराम संकलन गर्दै

कार्यवहाक राजदूत क्षेत्री आफैं फाराम संकलन गर्दै

लन्डन । लन्डनस्थित नेपाली दूतावासले हालसम्म करिब ३५ हजार एमआरपी (मेसिन रिडेबल पासपोर्ट) जारी गरेको छ ।
दूतावासले एमआरपी लिइ नसकेका नेपाली राहदानी वाहकलाई जतिसक्दो छिटो एमआरपी लिन अपिल समेत गरेको छ ।

अबको करिव तीन साता अर्थात नोभेम्बर २४, २०१५ पछि हस्तलिखित राहदानी अमान्य हुने अन्तर्राष्ट्रिय नियम छ ।

कार्यवहाक राजदूत तेजबहादुर क्षेत्रीले समयसीमा थोरै भएको जनाउंदै लिन बांकी 
रहेकालाई बेलैमा आवेदन दिन आग्रह गरेका छन् । ‘अहिले त एक डेढ महिनामै एमआरपी बनेर आइरहेको छ’, क्षेत्रीले भने, ‘छिटो लिइहाल्नुहोला । यदि होम अफिस (गृह मन्त्रालय) मा केस भएर पासपोर्ट साथमा छैन् भने पनि हामीले होम अफिसमा आवेदन दिएको प्रमाण र पासपोर्टको फोटोकपीले प्रक्रिया सहज गरिदिएका छौं ।’

दूतावासले कार्यालय समयमा बढ्दो चाप घटाउन नेपाली समुदायमाझ गएर आफैं एमआरपी फाराम संकलन गर्ने अभियान शुरु गरेको थियो । कार्यवहाक राजदूत क्षेत्रीका अनुसार आयरल्याण्ड, आइसल्याण्ड देखि बेलायतका स्कटल्याण्ड, वेल्स्, नर्दन आयरल्याण्ड, स्वीन्डन, लन्डन, आसफोर्ड, अक्सफोर्ड लगायत नेपाली उल्लेख्य बसोवास गर्ने करिव २५ मुख्य शहरमा गएर फाराम संकलन गरिएको 
थियो ।

दूतावासमा जनशक्ति अभावबीच थालिएको घर दैलो अभियान प्रभावकारी भएको यूकेस्थित नेपाली समुदायको निष्कर्ष छ । दूतावासको अभियानले विशेष गरि लेख पढ गर्न नजान्ने वृद्धवृद्धा, लन्डन बाहिर टाढा टाढा रहेकालाई यात्रा खर्चमा वचत र फाराम बिग्रने झन्झट नभएर उल्लेख्य फाइदा पुगेको नेपाली समाजका अगुवा सूर्य गुरुङले सुनाए ।

प्रतिक्रिया

सम्बन्धित सामाग्री

फेसबुक