पोखरेली कलाकार दशैं कार्यक्रममा

 

लन्डन । दशैं शुभकामना आदानप्रदान गर्न अघिल्लो शनिवार आयोजित कार्यक्रममा पोखरेली कलाकारहरु एउटै स्टेज उत्रिए । गायक गायिका बिग आइकन मुस्कान रानाभाट, सुजन पराजुली, शर्मिला बर्देवा र विजय प्रितीको जोडीले सांगीतिक प्रस्तुति दिएको हो ।

चर्च अफ गुड सेफर्ड, हन्स्लोमा आयोजित कार्यक्रममा कलाकारहरुले विभिन्न गीत प्रस्तुत गरेर मनोरञ्जन दिलाए । उक्त अवसरमा अन्य विभिन्न सांस्कृतिक कार्यक्रम समेत भएको थियो ।

कार्यक्रम पोखराका भूपू मेयर कृष्ण थापाले उद्घाटन गरेका थिए । उक्त अवसरमा बिग एफएमका अध्यक्ष महेश भण्डारी, मोहन थापा लगायतले दशैं शुभकामना दिए ।