लण्डन । नेपालीहरुको महान चाड दशैँ रेडिङमा पनि मनाइएको छ ।
ग्रेटर रेडिङ नेपलिज कम्युनिटी एसोसिएसनले आयोजना गरेको सो कार्यक्रममा साँस्कृतिक कार्यक्रम तथा आपसमा शुभकामना आदानप्रदान गरिएको थियो ।
कार्यक्रममा नेपालबाट आएकी कलाकार इन्दिरा योञ्जनले नेपाली लोकगीत गाएकी थिइन् भने स्थानीय कलाकारहरुले गीत र नृत्य प्रस्तुत गरेका थिए । साँस्कृतिक प्रस्तुतिहरुको संयोजन एलबी सुब्बाले गरेका थिए ।
कार्यक्रमको अध्यक्षता एसोसिएनका अध्यक्ष मानबहादुर गुरुङले गरेका थिए । कार्यक्रममा संस्थापक अध्यक्ष डा. चन्द्रबहादुर गुरुङ, पूर्व अध्यक्ष महेश गुरुङ र कीर्तिविलास पन्तले शुभकामना दिएका थिए ।
कार्यक्रम समाजका महासचिव नव न्यौपानेले गरेका थिए । कार्यक्रममा सदस्य ओमकार अधिकारीले कविता सुनाएका थिए ।
