आइतबार, असोज ११ २०७७ | Sun, September 27, 2020
नेपालको समय: १५:४५ | UK Time: 11:00

वीएनएसीकाे वार्षिक प्रवचनमा ‘विपी काेइराला’

वीनेपाली
२०७२ कार्तिक ४ गते १७:२९

BNAC

लण्डन । ब्रिटेन नेपाल एकेडेमिक काउन्सिल (वीएनएसी) को यस वर्षको वार्षिक प्रवचन साहित्यकार तथा राजनीतिज्ञ विश्वेश्वर प्रसाद कोइरालाका बारेमा हुने भएको छ ।

यही १२ नोभेम्बरमा युनिभर्सिटी अफ लण्डनको द स्कुल अफ ओरेण्टल एण्ड अफ्रिकन स्टडिज (सोअास) मा हुने सो प्रवचनमा यस वर्ष प्राध्यापक डा. अभि सुवेदीले ‘विपी कोइरालाका लेखहरूमा साहित्य, राजनीति र इतिहासको अनौठो संगम’ विषयमा प्रवचन दिने काउन्सिलले जनाएको छ ।

साँझ ५.३० बजे शुरू हुने सो प्रवचन निशुल्क भएको र जोसुकैले भाग लिन सक्ने काउन्सिलका महासचिव डा. कृष्ण अधिकारीले बताए ।

काउन्सिलले हरेक वर्ष प्रवचन अायोजना गर्ने गरेको छ । जसमा एक वर्ष युरोपियन र अर्को वर्ष नेपाली वक्ताले प्रवचन दिने गर्दछन् ।

त्रिभुवन विश्वविद्यालयमा ४० वर्षदेखि अंग्रेजीका प्राध्यापक रहेका डा. अभि सुवेदी साहित्य कला रंगमन्च र राजनीतिका बारेमा अंग्रेजी र नेपाली दुवैमा लेख्दै अाएका छन् ।

प्रतिक्रिया

सम्बन्धित सामाग्री

फेसबुक