शुक्रबार, असोज ९ २०७७ | Fri, September 25, 2020
नेपालको समय: १९:२७ | UK Time: 14:42

महाअष्टमी मनाइँदै

वीनेपाली
२०७२ कार्तिक ४ गते २:०३
दसैंको फूलपातीको दिन भद्रकालीमाताको मन्दिरमा पूजा आरधना गर्दै भक्तालुहरु । तस्विर– रोशन सापकोटा । रासस

दसैंको फूलपातीको दिन भद्रकालीमाताको मन्दिरमा पूजा आरधना गर्दै भक्तालुहरु । तस्विर– रोशन सापकोटा । रासस

काठमाडौँ, ४ कात्तिक । आश्विन शुक्ल अष्टमीका अवसरमा आज बुधवार देशभरका शक्तिपीठका साथै घरघरमा महाअष्टमी पर्व मनाइँदैछ ।

यस दिन विशेषगरी शक्तिस्वरुपा महाकालीको विशेष पूजा गरी रातमा कालरात्रि गर्ने प्रचलन रहेको नेपाल पञ्चाङ्ग निर्णयक समितिका अध्यक्ष प्रा डा रामचन्द्र गौतमले बताए ।

देवी भागवतमा उल्लेख भएअनुसार प्राचीनकालमा दक्ष प्रजापतिको यज्ञ नाश गर्ने ज्यादै शक्तिशाली भद्रकाली यसै अष्टमीका दिन उत्पन्न भएकी थिइन् ।

महाअष्टमीका दिन शैलपुत्री, ब्रहृमचारिणी, चन्द्रघण्टा, कुष्माण्डा, स्कन्दमाता, कात्यायनी, कालरात्रि, महागौरी, सिद्धिदात्री आदि देवीहरूको पूजाआजा गरिन्छ ।

पूजापश्चात् बोका, कुखुरा, हाँस, राँगो आदि बलि दिइन्छ भने मानिसहरू आ–आफ्ना कुलदेवी, देवता र स्थानीय देवीदेवतालाई पूजी बलि दिन्छन् । सात्विकहरूले नरिवल, कुभिण्डो, केरा, घिरौँला, आदि फल अर्पण गर्दछन् ।

महाअष्टमी र महानवमी बीचको रातलाई कालरात्रि मानेर रातमा कालरात्रिको पनि पूजा गरिने प्रचलन छ ।

प्रतिक्रिया

सम्बन्धित सामाग्री

फेसबुक