तमु समाजद्वारा कलाकारहरु सम्मानित

लन्डन । तमु समाज यूकेले बेलायतमा रहेका नेपाली कलाकारहरुलाई सम्मान गरेको छ । आइतबार गोर्खा स्पाइस वर्ल्ड रेष्टुरेन्टमा आयोजित कार्यक्रममा कलाकारहरु कृष्ण गुरुङ, निता गुरुङ, बिग आइकन मुस्कान रानाभाट र स्थानीय गायक सुजन पराजुलीलाई सम्मान गरेको हो । लोक गायक कृष्ण गुरुङ र गायिका निता गुरुङ देउराली सांझ कार्यक्रमका लागि बेलायत आएका थिए भने मुस्कान निजी भ्रमणका लागि आएकी हुन् । व्यक्तिगत भ्रमणमा रहंदा पनि मुस्कानले अल्डरसट, हन्स्लो र लन्डनका विभिन्न ठाउंमा करिब आधा दर्जन शो गरिन् ।

समाजका अध्यक्ष अर्जुनकुमार गुरुङले उनीहरुलाई खादाले सम्मान गरे । उक्त अवसरमा सम्मानित कलाकारहरुले आ आफ्नो गायन कला प्रस्तुत गरेका थिए । समाजले बिग एफएम पोखराका अध्यक्ष महेश भण्डारीलाई समेत सम्मान गर्यो ।

बिग आइकन मुस्कान रानाभाट तीन साताको बेलायत भ्रमणपछि सोमबार सांझ भण्डारीका साथ नेपाल फर्कंदैछिन् ।