सोमबार, असोज १२ २०७७ | Mon, September 28, 2020
नेपालको समय: ११:०३ | UK Time: 06:18

भूपू गोर्खाहरुको संसदबाहिर प्रदर्शन तयारी, ६ सय ५९ सांसदलाई ज्ञापन बुझाइने

वीनेपाली
२०७२ कार्तिक १ गते १७:१२

578132_233735530135920_1824727707_n

लन्डन । भूपू गोर्खाहरुले गोर्खा वेलफेयर ट्रष्टले बेलायती संसदमा गर्न लागेको एउटा विशेष कार्यक्रमको विरोधमा प्रदर्शन गर्ने तयारी अन्तिम चरणमा पुगेको छ ।

ट्रष्टले ब्रिटिश सेनामा गोर्खा भर्तीको दुई सय वर्ष गांठका अवसरमा आगामी २० तारिख हाउस अफ कमन्स् मा गर्न लागेको विशेष कार्यक्रम विरुद्ध प्रदर्शन तयारी गरेको हो । हाउस अफ कमन्स् मा कार्यक्रम चलिरहंदा गोर्खाहरुले दिउसो २ बजे संसद भवनबाहिर (किङ जोर्ज पांचौंको शालिक अगाडि) प्रदर्शन गर्ने भएका हुन् ।

त्यस अवसरमा आयोजक गोर्खा सत्याग्रह संयुक्त संघर्ष समितिले ६ सय ५९ सांसदलाई आफ्ना मागबारे बेग्लाबेग्लै ज्ञापनपत्र समेत दिने कार्यक्रम राखेको छ । प्रदर्शनका बेला केही सांसदले सम्वोधन गर्ने अपेक्षा छ ।

समितिले प्रदर्शनमा करिब ५ सय भूपू गोर्खा र तिनका परिवार सहभागी हुने अपेक्षा गरेको छ । दशैं पर्व परेकाले सहभागिता केही न्यून हुने हो कि भन्ने चिन्ता समितिको छ । ब्रिटिश सेनामा गोर्खा प्रवेशको दुई सय वर्ष गांठका अवसरमा बेलायत र नेपालमा भइरहेका हरेक कार्यक्रमको विरोध र संगै प्रदर्शन समेत गरिरहेको समितिले यस खालको दवाव तथा विरोध प्रदर्शन आगामी अप्रिल २४, २०१६ सम्म जारी रहने जनाएको छ ।

समितिका प्रमुख संयोजक कृष्णबहादुर राईले अप्रिल २४, २०१६ सम्म आफ्ना माग सुनुवाइ नभए त्यसै दिन १२ बजेदेखि आमरण अनसन थालिने चेतावनी दिएका छन् । यसअघि पनि समितिले आमरण अनसन गरेपछि बेलायत सरकारले एउटा सर्वदलीय संसदीय छानवीन समिति गठन गरेको थियो । तर, समितिको प्रतिवेदन बमोजिम सरकारले आशा गरे अनुरुप आफ्ना माग पुरा नगरेपछि गोर्खा आन्दोलन चर्कन लागेको हो ।

प्रतिक्रिया

सम्बन्धित सामाग्री

फेसबुक