बिहीबार, असोज ८ २०७७ | Thu, September 24, 2020
नेपालको समय: १०:५६ | UK Time: 06:11

ह्वीस्की टेष्टिङ शो गरेर भूकम्प पीडितलाई ३ करोड ६ लाख

वीनेपाली
२०७२ असोज ३० गते १३:३२

 

(C) Simon J Hanna

लन्डन । बेलायतको एउटा कम्पनीले ह्वीस्की टेष्टिङ शो गरेर नेपालका भूकम्प पीडितलाई करिब ३ करोड ६ लाख रुपैयां दिने निर्णय गरेको छ । अक्टोबर पहिलो साता आयोजित शोमा संकलित २ लाख २५ हजार पाउण्ड नेपालका भूकम्प पीडितका लागि दिने आयोजक ह्वीस्की दि एक्सचेन्जले जनाएको छ ।
विश्वकै महंगो जापनीज सिंगल माल्ट ह्वीस्की करुइजावा १९८३ 
टेस्टिङ शोमा ४५ जना पारखीले प्रति बोटल ६ हजार पाउण्डका दरले तिरेका थिए ।
संकलित रकम कम्युनिटी एक्सन नेपाल (क्यान), माइती नेपाल, हेल्प नेपाल नेटवर्क, योर वान वीस् र द नेपाल ट्रष्ट नामक च्यारिटी संस्थामार्फत नेपालमा पठाइने कम्पनीका प्राविधिक निर्देशक जय पौडेलले जनाए । थप २ बोटल 
ह्वीस्की कम्तीमा २० हजार पाउण्डमा लिलाम विक्री गरेर सतप्रतिशत रकम भूकम्प पीडितलाई पठाइने पौडेलले जनाए ।
ओल्ड बिलिङस्गेटमा आयोजित उक्त शो डेभ ब्रुमले सञ्चालन गरेका थिए । जम्मा ५० बोटलमात्र उत्पादन गरिएको उक्त ह्वीस्कीको बजार भाउ करिब १० हजार पाउण्ड छ ।

शोमा बेल्जियम, जर्मनी, इटली, मोनाको, नेदरल्याण्ड्स, नर्वे, स्वीडेन, युक्रेन, चीन, हङकङ, इन्डिया, जापान, ताइवान र अमेरिकाबाट समेत सहभागिता 
थियो । उक्त कम्पनीले च्यारिटीका लागि सबैभन्दा महंगो ह्वीस्की टेष्टिङ शो गरिएकोलाई गिनिज बुक अफ वोर्ल्ड  रेकर्डस् मा समेत दर्ता गर्ने प्रक्रिया शुरु गरेको छ ।

प्रतिक्रिया

सम्बन्धित सामाग्री

फेसबुक