लन्डन । लन्डनस्थित नेपाली दूतावासले आगामी २० अक्टोबर, मंगलबार दशैं जलपान कार्यक्रम तय गरेको छ ।
दशैंको शुभ अवसरमा बेलायतस्थित नेपाली समुदायबीच शुभकामना आदानप्रदान गर्न विगत वर्षहरु झैं यस पटक पनि जलपान हुन लागेको हो । यसमा सबैलाई प्रवेश खुल्ला छ ।
अपरान्ह तीन देखि सांझ ६ बजेसम्म दूतावास भवनमा कार्यक्रम हुने छ । कार्यवहाक राजदूत तेजबहादुर क्षेत्री र दूतावास परिवारले जलपानमा सहभागी हुन इच्छुक सम्पूर्ण नेपालीलाई निमन्त्रणा गरेका छन् ।
