आचार्य एनआरएन युरोप संयोजकमा निर्विरोध

लन्डन । काठमाडौंमा जारी गैर आवासीय नेपाली संघको विश्व सम्मलेनमा गैर आवासीय नेपाली संघ यूकेका पूर्व अध्यक्ष कुल आचार्य गैरआवासीय नेपाली संघ युरोपको संयोजकमा निर्विरोध भएका छन्। 

युरोप संयोजक पदका लागि आचार्यको मात्रै उम्मेदवारी परेपछि उनी निर्विरोध बनेका हुन्।

यसअघि संयोजकको उम्मेद्वारी घोषणा गरेका डेनमार्कका सोप सापकोटा नै उनको प्रस्तावक बनेका थिए। 

काठमाण्डौमा बुधबारदेखि शुरु भएको एनआरएनएको सातौंअधिवेशनमा निर्विरोध हुने आचार्य नै पहिलो उम्मेदवार हुन्। 

यसअघि हाल गैरआवासीय नेपाली संघ अन्तर्राष्ट्रिय समन्वय परिषदका सदस्य रहेका आचार्य गएको दश वर्षदेखि एनआरएन अभियानमा सक्रिय छन्।

बेलायतमा होली काउ रेष्टुराँ चेन सन्चालन गरेर एक सफल व्यवसायीको छवि बनाएका आचार्य नेपाल तथा बेलायतमा विभिन्न सामाजिक काममा सघाउने एकजना चर्चित समाजसेवी पनि हुन्।