बिहीबार, माघ ८ २०७७ | Thu, January 21, 2021
नेपालको समय: ०१:२३ | UK Time: 19:38

भूकम्प पीडितलाई घर बनाइदिन बस ग्यारेजमा लन्च बेच्दै

वीनेपाली
२०७२ असोज २५ गते १८:२६

12166305_1080129225339423_854539507_n-2

लन्डन । भूकम्प पीडितलाई घर बनाइदिन समाजसेवी महिलाहरुले बस ग्यारेजमा लन्च बेच्ने पृथक जुक्ति निकालेका छन् । भूकम्प पीडितलाई १२५० पाउण्ड बराबरको इको फ्रेण्ड्ली घर बनाउने प्रोजेक्ट ‘होम्स् फर ह्यूम्यानिटी’ का लागि यस्तो तरिका अपनाएकी हुन् मिसन टु हेल्प नेपालकी अध्यक्ष बबी लामाले । लन्डन युनाइटेड आरएटिपी ग्रुपको ८ वटा बस ग्यारेजमा आफैंले घरमा बनाएको लन्च लगेर विक्री गरि आर्थिक रकम जुटाउने उद्देश्य लामाको छ ।

लन्डन युनाइटेडको डबल डेकर रातो बस हांक्ने पहिलो नेपाली महिला चालक रोशना गुरुङको सहयोगमा लामाले यो अभियान थालेकी छन् । हन्स्लो हिथ ग्यारेजकी स्टाफ म्यानेजर डेनिस होगानको अनुमतिले पहिलो दिन हन्स्लो ग्यारेजबाट १२ सय पाउण्ड संकलन भएको लामाले जनाइन् । अब बांकी ७ ग्यारेजमा पनि लन्च लगेर विक्री गरि आर्थिक सहयोग उठाइने छ । जागिरबाट विदा नै लिएर खटिएकी लामालाई आरएस राई, लता कुंवर र रोशना गुरुङले साथ दिएका छन् । यी ८ वटा ग्यारेजले आगामी नोभम्बर ६ मा राफल पनि गरिदिने भएका छन् ।

दुई संस्था मिसन टु हेल्प नेपाल र लक्ष्मी राई 
(लारा) अध्यक्ष रहेको जुनकिरी इनिसिएटिभ्सले वसन्त चौधरी फाउन्डेशनको सहकार्यमा ‘होम्स् फर ह्यूम्यानिटी’ प्रोजेक्ट अन्तर्गत सिन्धुपाल्चोकमा कम्तीमा २५ वटा घर बनाइदिने योजना बनाएका छन् । यीनै संस्थाले गत महिना फाउण्डेशनका अध्यक्ष वसन्त चौधरीको प्रमुख आतिथ्यमा लन्डनमा एक च्यारिटी डिनर गरि १० हजार पाउण्ड संकलन गरेका थिए ।

प्रतिक्रिया

सम्बन्धित सामाग्री

फेसबुक