मेजर चित्र राना मगर
लण्डन । पूर्व गाेरखा सैनिक चित्रबहादुर राना मगर वाेकिङ काउन्सिलकाे काउन्सिलरमा निर्वाचित भएका छन् ।
८ अक्टाेबरमा भएकाे उपचुनावमा पूर्व गाेरखा मेजर राना मगर गाेल्डवर्थ वेष्ट वडाबाट निर्वाचित भएका हुन् ।
कन्जरभेटिभ पार्टीका तर्फबाट उम्मेदार रहेका रानामगरले ३६७ मत प्राप्त गरे भने उनका निकटतम प्रतिस्पर्धी क्रिस्टिना जुडिथ लिडिङटनले ३४९ मत प्राप्त गरेकी थिइन् भने लेबाेरका सहीनले १०५ मत र युके इन्डिपेण्डेण्ट पार्टीका टाेनी डी लियाेनले ९७ मत पाएकी थिइन् ।
कुल ३ हजार ६८७ मतदाता रहेकाे साे वडामा ९२१ मत खसेकाे थियाे ।
स्याङजा स्थायी घर भएका रानाले भने अाफ्नाे जीत सामान्य भएकाे प्रतिक्रिया दिए । ‘जाेकाेही पनि उम्मेदवार हुन र निर्वाचित हुन सक्छ । त्यसैले मैले यसलाइ उपलब्धि मानेकाे छैन । नेपालकाे माहाैल हेर्दा हर्षाेल्लास गर्नुपर्ने पनि अावश्यकता देख्दिनँ’ उनले भने ।
बेलायतमा बसाेबास बढ्दै जाँदा नेपालीहरू स्थानीय राजनीतिमा सक्रिय हुने क्रम बढ्दाे छ । हाल करिब १० जना काउन्सिलर छन् ।
