मंगलबार, असोज ६ २०७७ | Tue, September 22, 2020
नेपालको समय: ०१:१० | UK Time: 20:25

चेपाङ गाउँमा इन्टरनेट पुग्दा विद्यार्थी दंग

वीनेपाली
२०७२ असोज १९ गते ११:०५

Internet-IPv6

रत्ननगर (चितवन), १९ असोज । चितवनको विकट कोराकस्थित चेपाङ गाउँमा इन्टरनेट सेवा सुरु भएको छ । ग्रीन स्कुल परियोजनाले चितवनको चेपाङ गाउँमा इन्टरनेट सेवा पुर्याएको हो ।

इन्टरनेट जोडेसँगै उनीहरु विश्वसँग जोडिएका छन् । जर्मनीका विद्यार्थीसँग इन्टरनेटको माध्यमबाट यहाँका चेपाङ विद्यार्थीले कुरासमेत गर्न थालेका छन् ।

इन्टरनेटकै माध्यमबाट जर्मनीमा रहेका विद्यार्थीको अनुभव सङ्गाल्ने मौकासमेत ती विद्यार्थीलाई मिलेको ग्रीन स्कुल परियोजना सञ्चालन गरेको प्रकृतिका साथिहरु संस्थाका कार्यकारी निर्देशक राजु आचार्यले जानकारी दिए ।

इन्टरनेटकै कारण जर्मनीस्थित डुसलडर्फको प्राथमिक विद्यालय ‘होहेन स्ट्रास’ विद्यालयबीच मितेरी सम्बन्ध कायम भएको आचार्यले जानकारी दिए ।

उक्त विद्यालयका कक्षा चारका विद्यार्थीको मित्रताको प्रस्तावपछि राष्ट्रिय प्राथमिक विद्यालय चारकिलाको इको क्लवका विद्यार्थीबीच मितेरी सम्वन्ध कायम भएको हो ।

जर्मनीमा रहेको उक्त स्कुलले विद्यार्थीलाई वातावरण संरक्षण, अर्गानिक खेती, तथा विभिन्न व्यावहारिक शिप दिंने गरेको छ ।

ती स्कुलका बारेमा परिचय, संस्कृति र उनीको जीवनशैलीबारे प्रोफाइलसमेत तयार भएको आचार्यले जानकारी दिए ।

गुलेलीले चरा मार्ने बालबालिका अहिले संरक्षणमा जुटेका छन् । कोराकको राप्रावि चारकिल्ला र स्वामिटार माध्यामिक विद्यालयमा उक्त कार्यक्रम सञ्चालन भएको थियो ।

यहाँका दुई स्कुलमा ४२ जना विद्यार्थीलाई ईको क्लवमा सहभागी गराएर ग्रीन स्कुल परियोजनामार्फत संरक्षणमा सक्रिय गराइएको आचार्यले जानकारी दिए ।

प्रतिक्रिया

सम्बन्धित सामाग्री

फेसबुक