काठमाडौँ, १४ असोज । युवा तथा खेलकुद मन्त्री पुरुषोत्तम पौडेल आज पदबाट राजीनामा दिएका छन् ।
राष्ट्रिय खेलकुद परिषद्को सदस्य सचिवमा विवादित व्यक्ति केशवकुमार विष्टलाई नियुक्त गरिएको विषयमा अख्तियार दुरुपयोग अनुसन्धान आयोगले मन्त्री पौडेललाई विभागीय काराबाही गर्न निर्देश गरेपछि उनले प्रधानमन्त्री सुशील कोइरालासमक्ष राजीनामा दिएका हुन् ।
पौडेलले सदस्य सचिव नियुक्तिबारे आयोगले गैरकानुनी रुपमा निर्देश दिएको र त्यसका आधारमा प्रधानमन्त्रीले राजीनामा मागेकाले राजीनामा दिएको जनाए ।
पौडेल नेकपा (एमाले) का तर्फबाट मन्त्री भएका थिए ।
