सोमबार, माघ ५ २०७७ | Mon, January 18, 2021
नेपालको समय: १९:१६ | UK Time: 13:31

राष्ट्रपतिद्वारा छ विधेयक प्रमाणीकरण

वीनेपाली
२०७२ असोज १४ गते १०:०३

काठमाडौँ, १४ असोज । राष्ट्रपति डा रामवरण यादवले व्यवस्थापिका–संसद्बाट पारित छ वटा विधेयकको आज प्रमाणीकरण गरेका छन् ।

नयाँ संविधान जारी भएपछि राष्ट्रपति यादवले विधेयक प्रमाणीकरण गरेको यो पहिलो अवसर हो ।

प्रमाणीकरण भएका विधेयकमा विनियोजन ऐन २०७२, आर्थिक ऐन २०७२, राष्ट्र ऋण उठाउने ऐन २०७२, लैङ्गिक समानता कायम गर्न तथा लैङ्गिक हिंसा अन्त्य गर्न केही नेपाल ऐनलाई संसोधन गर्ने ऐन २०७२, केही नेपाल कानुन संशोधन तथा खारेज गर्ने ऐन २०७२ र भूमिसम्बन्धी (छैटौँ संशोधन) ऐन २०७२ छन् ।

राष्ट्रपति कार्यालयद्वारा आज जारी विज्ञप्तिमा जनाइएअनुसार नेपालको संविधानको धारा ११३ को उपधारा २ बमोजिम ती विधेयकको प्रमाणीकरण गरिएको हो ।

प्रतिक्रिया

सम्बन्धित सामाग्री

फेसबुक