शनिबार, असोज ३ २०७७ | Sat, September 19, 2020
नेपालको समय: ०२:३० | UK Time: 21:45

बेलायतमै बनेको यू टर्नको रेड कार्पेट प्रिमियर यसै साता

वीनेपाली
२०७२ असोज ४ गते १०:५१
11999619_992788907408129_9049297336284286509_o

तस्विरः एभरेष्ट गौतम

 

लन्डन । बेलायतमै निर्मित नेपाली कथानक चलचित्र यू टर्नको रेड कार्पेट प्रिमियर शो आगामी शनिवार रेडिङमा हुने भएको छ ।

आइतबार लन्डन ब्लु अर्किड रेष्टुरेन्टमा आयोजित एक पत्रकार सम्मेलनमा फिल्मका निर्देशक प्रेम लामाले रेडिङस्थित लाइफ इस्प्रिङ चर्च द पेभिलियनमा दिउसो एक बजे रेड कार्पेट शो हुने जानकारी दिएका हुन् । त्यसै अवसरमा सिने अवार्ड एवं डिजे डान्स र डिनरसमेत हुने लामाले जनाए ।

२४ वर्ष यता बेलायत बस्दै आएका लामो यू टर्न तेश्रो फिल्म हो । यसअघि उनले मेनिका र कसुर बनाइसकेका छन् । लामो समय रेष्टुरेन्ट व्यवसायमा संलग्न उनी नेपाली चलचित्र प्रवर्धनका लागि यस क्षेत्रमा समर्पित हुने बताउंछन् ।

11227522_951371958241711_8360314662478298877_o

यूटर्नमा विदेशीएका नेपालीको कथा छ । विदेश रहंदाका तीता मिठा भोगाइ प्रष्ट्याउने उक्त चलचित्रले नेपालीलाई स्वदेश फर्कन प्रेरित गर्ने निर्देशक लामाले जनाए । ‘देश र माटोमा केही खोट छैन्, खोट छ त हाम्रँे विचारमा’, निर्देशक लामाले फिल्मले दिने सन्देशबारे भने, ‘फिल्ममार्फत अब नेपाल गएर केही गरौं भन्ने सन्देश दिन म प्रयासरत छु ।’

निर्देशक लामाले फिल्म निर्माणमा प्रविधि र लगानीका हिसावले कुनै सम्झौता नगरिएको जनाए । बेलायतमा फिल्म छायांकन आफैंमा सहज नभएपनि आफ्नो अनुभव, स्थानीय प्रशासनसंगको सहकार्यले अप्ठेरो महशुस गर्न नपरेको अनुभव सुनाए ।

पत्रकार सम्मेलनमा फिल्मका तर्फबाट लामा, दीपक गुरुङ र विसन गुरुङले आ आफ्ना अनुभव सुनाएका थिए ।

निता पुन, इतिसा नेम्वाङ राई, प्रेम लामा, दीपक गुरुङ लगायत बेलायतमै रहेका कलाकारहरुले अभिनय गरेको उक्त फिल्म छायांकन पनि यहीं गरिएको हो । करिब तीस हजार पाउण्ड (५० लाख रुपैयां) लगानीमा बनेको यू टर्न बेलायतका विभिन्न शहर र नेपालमा समेत प्रदर्शन गर्ने सोच निर्माण पक्षको छ । प्रेमिस भिजनका लागि तारा लामाले फिल्म प्रस्तुत गरेकी हुन् भने निर्माता छन् दिनेशकुमार लामा ।

 

प्रतिक्रिया

सम्बन्धित सामाग्री

फेसबुक