
लन्डन पशुपति मन्दिरमा सामूहिक पूजासहित भोलि तीज विशेष कार्यक्रम हुंदै
लन्डन । यतिखेर बेलायतमा पनि तीज माहोल छ । धेरै संघसंस्थाले तीजकै दिन पारेर कार्यक्रम गर्ने तयारी गरिरहेका छन् । यस मध्ये लन्डन साउथ इष्टस्थित पशुपति मन्दिरमा भोलि बुधवार सामूहिक पूजासहित तीज विशेष कार्यक्रम हुने भएको छ । पशुपति मन्दिर व्यवस्थापन समितिले तीज विशेष कार्यक्रम गर्न लागेको हो ।
कार्यक्रम संयोजक सहदेव गिरीका अनुसार, दिउसो साढे एकबजेदेखि शुरु हुने कार्यक्रममा पण्डित निलहरी घिमिरेबाट स्थापना पूजा, सामूहिक आरती पूजा साथै सामूहिक तीज नाच, स्टेज नृत्य लगायत मनोरन्जनात्मक प्रस्तुति रहनेछ । पण्डित घिमिरेले हरितालिका तीजको धार्मिक पक्षबारे प्रवचन समेत दिने कार्यक्रम छ । तीज कार्यक्रम मन्जु खरेलले सञ्चालन गर्नेछिन् भने नवनियुक्त अध्यक्ष बालजंग अर्यालले संक्षिप्त मन्तव्य र कार्यक्रम उद्घाटन गर्ने कार्यक्रम छ । मन्दिर व्यवस्थापन समितिले महिलाहरुलाई सहभागी भएर आफ्नो विशेष पर्व तीज हर्षोल्लासका साथ मनाउन निमन्त्रणा गरेको छ । सांझ ७ देखि ९ बजेसम्म महिलाहरुले सामूहिक तीज नृत्य गर्ने आयोजकले जनाएका छन् ।
प्रतिक्रिया

सम्बन्धित सामाग्री
- सोमबारदेखि बेलायत छोड्न फाराम भर्नुपर्ने, २०० पाउण्ड जरिवाना हुनसक्ने
- गोरखा भूपू सैनिकको समस्याबारे प्राविधिक समितिको प्रतिवेदनमाथि बेलायतले नेपालसित वार्ता नगर्ने
- गोरखाहरुलाई अति माया गर्ने ब्रायन स्टालेको निधन
- ‘गोरखा सैनिकहरुलाई बेलायतको भिसा–नागरिकतावापत लिइने शुल्क खारेज हुनुपर्छ’
- कारोना संक्रमणका कारण प्रवासमा मृत्यु भएकाको शव नेपाल लैजाने पाइने