उद्योगपति एवं कवि चौधरीको उपस्थितिमा लन्डनमा च्यारिटी हुंदै

10177492_668938689863344_3144482740147828717_n

लन्डन । नेपालका सफल उद्योगपति एवं कवि वसन्तकुमार चौधरीको उपस्थितिमा लन्डनमा एक च्यारिटी डिनर कार्यक्रमको तयारी हुंदैछ । वसन्त चौधरी फाउण्डेशनका अध्यक्ष चौधरी मिसन टु हेल्प नेपाल र जुनकिरी इनिसियटिभ्स् को संयुक्त आयोजनामा गर्न लागिएको च्यारिटीमा सहभागी हुन लन्डन आउने कार्यक्रम छ ।

१८ सेप्टेम्बर सांझ ह्यारो बरो फुटबल क्लव, ह्यारोमा हुने उक्त च्यारिटी ‘होम्स् फर ह्यूम्यानिटी’ प्रोजेक्टका लागि समर्पित हुनेछ । मिसन टु हेल्प नेपाल र जुनकिरी इनिसियटिभ्स् ले नेपालमा भूकम्प पीडितहरुका लागि आवास पुनर्निर्माणमा सघाउने उद्देश्यले होम्स् फर ह्यूम्यानिटी प्रोजेक्ट अघि सारेका छन् । उक्त प्रोजेक्टका लागि दुई सक्रिय महिला समाजसेवी मिसन टु हेल्प नेपालकी बवी लामा र जुनकिरी इनिसियटिभ्स् की लक्ष्मी राई (लारा) को सक्रियता छ ।

त्यस सांझ च्यारिटीको टिकेट मुल्य ३५ पाउण्ड तोकिएको छ । आयोजकले कार्यक्रममा आइदिएर भूकम्प पीडितप्रति सहयोग गर्न अपिल गरेका छन् ।

प्रतिक्रिया

सम्बन्धित सामाग्री