लन्डन । गैर आवासीय नेपाली संघ, बेलायत (एनआरएनए यूके) को राष्ट्रिय अधिवेशन १३ सेप्टेम्बर आइतबार हुने भएको छ ।

अधिवेशन एसियन कम्युनिटी सेन्टर प्लमस्टेड लन्डनमा बिहान १० बजेबाट शुरु हुने संघले जनाएको छ ।

यसअघि १२ सेप्टेम्बरमा सोही स्थानमा अधिवेशन र भोलिपल्ट प्रत्यक्ष मतदान गर्ने तय भएको थियो ।

तर, गत शनिवार उम्मेदवारहरुबीच गलत नजिर स्थापित गर्दै पद भागवण्डासहित सहमतिमा जाने निर्णय पछि निर्वाचन नहुने भएको हो । उक्त सहमतिप्रति सकारात्मक नकारात्मक प्रतिक्रिया आएका छन् ।

संघले निर्वाचन सम्बन्धि भएको सम्झौता र सहमतिलाई एनआरएनए यूके कार्यसमितिले अनुमोदन गरेको हुंदा १३ सेप्टेम्बर २०१५ मा हुने भनिएको प्रत्यक्ष निर्वाचन नहुने जनाउंदै सहमति अनुसारको निर्वाचन कार्यक्रम सोहि दिन विधान संसोधनपछि हुने र निर्वाचित कार्यसमितिको शपथ समेत हुने जनाएको छ ।