मंगलबार, असोज ६ २०७७ | Tue, September 22, 2020
नेपालको समय: १३:४५ | UK Time: 09:00

एनअारएन युकेलाई साझा संस्था बनाउने कटवालकाे अठाेट

वीनेपाली
२०७२ भदौ १९ गते १०:२२

Arjun Katwal

लण्डन । गैरअावासीय नेपाली संघ (एनअारएन) युकेकाे अागामी निर्वाचनमा उपाध्यक्षका दाबेदार अर्जुन कटवालले अाफ्ना याेजना सार्वजनिक गरेका छन् ।

यदि उपाध्यक्ष पदमा निर्वाचित भएकाे खण्डमा अागामी दुई वर्षमा एनआरएन यूकेको संस्थागत विकाश, स्थायी कार्यालय र नेपाल हाउस निर्माण गर्न पहल गर्ने उनले बताएका छन् । यस्तै एनअारएन युकेकाे सदस्यता ६ महिना अगाडि नै खुल्ला गर्ने र हाल देखिएको विकृतिलाई निरुत्साहित गर्ने उनकाे याेजना छ । एनअारएनलाई क्षेत्रीय एवं काउन्सिलकाे अवधारणामा परिणत गरी निर्बाचन गराउने उनले बताएका छन् ।

एनअारएनमा विद्यार्थीहरुलाई अहिले समावेश नगरिएकाेमा उनीहरूलाई समावेश गर्ने प्रस्ताव अागामी अधिवेशनमा लैजाने वचन उनले दिएका छन् । नेपालीद्वारा नेपालीका लागि, म हैन मेरो र हाम्रो, गुट उप-गुट, जाति र राजनीतिभन्दा माथि उठी  एनआरएनलाई साझा थलाे हुने वातावरण बनाउन पहल गर्ने उनकाे याेजना छ ।

सामजिक, भैपरी आउने कल्याणकारी कामका लागि अक्षयकोषको स्थापना, गैरआवासीय नेपालीहरुको हक़ हितको कार्यक्रमहरु बनाउने, सीप,पूँजी र ज्ञानलाई नेपालभित्र प्रयोग गर्ने वातावरण सृजना गर्ने उनले बताएका छन् ।

नेपाली कला, संस्कृति र पर्यटनको प्रबर्धन गर्ने, एक राष्ट्र एक प्रोजेक्ट अन्तर्गत कर्णाली विकाश योजनामा सहयोग गर्ने, बेलायत-नेपालको कूटनैतिक सम्बन्धको २०० वर्षको उपलक्ष्यमा बिभिन्न कार्यक्रम गर्ने र नेपालमा एयर एम्बुलेंस सेवा स्थापनाका लागि पहल गर्ने उनकाे याेजना छ ।

 

प्रतिक्रिया

सम्बन्धित सामाग्री

फेसबुक