बुधबार, असोज १४ २०७७ | Wed, September 30, 2020
नेपालको समय: ०३:०४ | UK Time: 22:19

लन्डन मेलामा दूतावास सहभागी हुने

वीनेपाली
२०७२ भदौ १९ गते ८:३०

Nepalese embassy London

लन्डन । दक्षिण एसियाली कला संस्कृति दर्शाउने युरोपकै सबैभन्दा ठूलो लन्डन मेलामा यस पटक पनि नेपाली दूतावासको सहभागिता हुने भएको छ । भोलि ६ सेप्टेम्बर आइतबार इलिङ, हाउन्स्लो काउन्सिल एवं मेयर अफ लन्डनको विशेष सहयोग रहने उक्त जि लन्डन मेला गनर्सबरी पार्कमा हुंदैछ ।
दूतावासले मेलामा नेपालको पर्यटन प्रबर्धनलाई प्राथमिकता दिने कार्यवहाक राजदूत तेजबहादुर क्षेत्रीले जनाए ।

करिब एक लाख दर्शक सहभागी हुने अपेक्षा गरिएको उक्त मेलामा नेपालका तर्फबाट प्रथम गुल्मी जिल्ला समाज यूकेको नौमती बाजासहित तीनवटा मौलिक नृत्य हुनेछ । दूतावासले विभिन्न कुटनीतिज्ञ एवं अतिथीहरुलाई आमन्त्रण गरेर दिउसो मेला स्थलमै रिसेप्सेन दिने कार्यक्रम समेत छ । दूतावासले समस्त नेपालीलाई मेला अवलोकन गर्न आग्रह समेत गरेको छ ।

फेसन शो, खाना, बलिउड आधुनिक तथा शास्त्रीय संगीत, बाल खेल, आतसबाजी मेलाका प्रमुख आकर्षण हुनेछन् ।

मेला यसपटक नेपालका भूकम्प पीडितहरुका लागि समर्पित हुने भएको आयोजकले जनाएका छन् । आयोजकले मेलामार्फत भूकम्प पीडितलाई सघाउने केही महिनाअघि बेलायतको विदेशमन्त्रालयस्थित दरबार कोर्टमा आयोजित समारोहमा जानकारी दिएका थिए । अक्सफाम, गोर्खा वेलफेयर ट्रष्ट र युमी च्यारिटी मार्फत सहयोग संकलन गरिनेछ ।

प्रतिक्रिया

सम्बन्धित सामाग्री

फेसबुक